Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 97:1-12

97  Si Jehova nahimong hari!+ Maglipay unta ang yuta.+ Magmaya unta ang daghang kapuloan.+   Ang mga panganod ug mabagang kangiob nagalibot kaniya;+ Ang pagkamatarong ug ang paghukom mao ang pihong dapit sa iyang trono.+   Ang kalayo nagauna kaniya,+ Ug nagaut-ot kini sa iyang mga kaaway sa tanang kiliran.+   Ang iyang mga kilat nagpadan-ag sa mabungahong yuta;+ Nakakita ang yuta ug gibatig hilabihang kasakit.+   Sama sa talo ang kabukiran natunaw tungod kang Jehova,+ Tungod sa Ginoo sa tibuok nga yuta.+   Ang mga langit nagpahayag sa iyang pagkamatarong,+ Ug ang tanang katawhan nakakita sa iyang himaya.+   Maulawan unta silang tanan nga nagaalagad sa linilok nga larawan,+ Silang nagapasigarbo sa walay-bili nga mga diyos.+ Yukboi ninyo siya, kamong tanang mga diyos.+   Ang Zion nakadungog ug nagmaya,+ Ug nagmalipayon ang mga lungsod nga sakop sa Juda+ Tungod sa imong hudisyal nga mga hukom, Oh Jehova.+   Kay ikaw, Oh Jehova, mao ang Labing Hataas ibabaw sa tibuok yuta;+ Ikaw hataas kaayo kay sa ubang mga diyos.+ 10  Oh kamong mga nahigugma kang Jehova,+ dumti ninyo ang daotan.+ Siya nagabantay sa mga kalag sa mga maunongon kaniya;+ Siya nagaluwas kanila gikan sa kamot sa mga daotan.+ 11  Ang kahayag nagdan-ag alang sa matarong,+ Ug ang pagmaya alang sa mga matul-id ug kasingkasing.+ 12  Magmaya kamo kang Jehova, Oh mga matarong,+ Ug magpasalamat sa paghandom sa iyang pagkabalaan.+

Mga Footnote