Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 95:1-11

95  Dali kamo, manghugyaw kita sa kalipay kang Jehova!+ Maninggit kita sa kadaogan alang sa atong Bato sa kaluwasan.+   Manuol kita sa iyang atubangan uban ang pagpasalamat;+ Uban ang mga awit sa pagdayeg maninggit kita sa kadaogan alang kaniya.+   Kay si Jehova maoy dakong Diyos+ Ug dakong Hari ibabaw sa tanang ubang mga diyos,+   Nga sa iyang kamot anaa ang mga kinahiladman sa yuta+ Ug iyaha ang mga taluktok sa kabukiran;+   Iyaha ang dagat, nga siya mismo ang nagbuhat+ Ug kansang mga kamot nag-umol sa mamalang yuta.+   Oh dali kamo, mosimba kita ug moyukbo;+ Moluhod+ kita sa atubangan ni Jehova nga atong Magbubuhat.+   Kay siya mao ang atong Diyos, ug kita ang katawhan sa iyang sibsibanan ug ang mga karnero sa iyang kamot.+ Karong adlawa kon kamo mamati sa iyang tingog,+   Ayaw patig-aha ang inyong kasingkasing ingon didto sa Meriba,+ Ingon sa adlaw didto sa Masah sa kamingawan,+   Sa dihang ang inyong mga katigulangan nagsulay kanako;+ Sila nagsusi kanako, sila nakakita usab sa akong mga buhat.+ 10  Sulod sa kap-atan ka tuig giluod ako niadtong kaliwatana,+ Ug ako miingon: “Sila katawhan nga masukihon ug kasingkasing,+ Ug wala sila mahibalo sa akong mga dalan”;+ 11  Bahin kanila nanumpa ako sa akong kasuko:+ “Dili sila makasulod sa akong dapit-pahulayan.”+

Mga Footnote