Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 94:1-23

94  Jehova, Oh Diyos sa mga buhat sa pagpanimalos,+ Oh Diyos sa mga buhat sa pagpanimalos, magmadan-agon ka!+   Tindog, Oh Maghuhukom sa yuta.+ Basli ang mga mapahitas-on.+   Oh Jehova, hangtod kanus-a ang mga daotan,+ Hangtod kanus-a magsadya ang mga daotan?+   Nagayawit sila, nagasulti sila nga walay pagpugong;+ Ang tanang mamumuhat sa butang nga makadaot nagapanghambog sa ilang kaugalingon.+   Oh Jehova, ginadugmok nila ang imong katawhan,+ Ug ginasakit nila ang imong panulondon.+   Gipamatay nila ang babayeng balo ug ang langyawng pumoluyo,+ Ug ginabuno nila ang mga bata nga ilo-sa-amahan.+   Ug sila nag-ingon: “Si Jah wala makakita;+ Ug ang Diyos ni Jacob wala makasabot niini.”+   Sabta ninyo, kamong walay kabuot taliwala sa katawhan;+ Ug kamong mga hungog, kanus-a pa ba kamo makabaton ug hait nga salabotan?+   Ang Usa nga nagbuhat sa igdulungog, dili ba siya makadungog?+ O ang Usa nga nagaumol sa mata, dili ba siya makakita?+ 10  Ang Usa nga nagatul-id sa kanasoran, dili ba siya makabadlong,+ Bisan ang Usa nga nagatudlo ug kahibalo sa mga tawo?+ 11  Si Jehova nahibalo sa mga hunahuna sa mga tawo, nga sila ingon sa mga hinungaw lamang.+ 12  Oh Jah, malipayon ang tawo nga lig-on ug lawas nga imong gitul-id,+ Ug gitudloan mo gikan sa imong balaod,+ 13  Aron sa paghatag kaniya ug kalinaw sa mga adlaw sa katalagman,+ Hangtod nga ang usa ka gahong makalot alang sa daotan.+ 14  Kay si Jehova dili motalikod sa iyang katawhan,+ Ni mobiya siya sa iyang panulondon.+ 15  Kay ang hudisyal nga hukom mobalik sa pagkamatarong,+ Ug ang tanang matul-id sa kasingkasing mosunod niini. 16  Kinsa ba ang motindog dapig kanako batok sa mga mamumuhat ug daotan?+ Kinsa ba ang mobarog dapig kanako batok sa mga mamumuhat sa kadaotan?+ 17  Kon si Jehova wala pa motabang kanako,+ Ang akong kalag diriyot nang makapuyo sa kahilom.+ 18  Sa dihang miingon ako: “Molakaw ako nga magparagparag,”+ Oh Jehova, ang imong mahigugmaong-kalulot nagpalig-on kanako.+ 19  Sa dihang ang makapatugaw nga mga hunahuna midaghan sa akong kahiladman,+ Ang imong mga paghupay mihapohap sa akong kalag.+ 20  Ang trono nga nagapahinabog kagul-anan makig-alyansa ba kanimo+ Samtang nagamugna kini ug kasamok pinaagig mando?+ 21  Magahimo sila ug grabeng mga pag-atake sa kalag sa matarong+ Ug igapahayag nga daotan bisan ang dugo sa inosente.+ 22  Apan si Jehova mahimong luwas nga hataas nga dapit alang kanako,+ Ug ang akong Diyos mao ang bato nga akong dalangpanan.+ 23  Ug isumbalik niya kanila ang ilang pagkamadaoton+ Ug pahilomon sila sa ila rang katalagman.+ Si Jehova nga atong Diyos magapahilom kanila.+

Mga Footnote