Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 91:1-16

91  Si bisan kinsa nga nagapuyo sa natago nga dapit+ sa Labing Hataas+ Makabaton ug kapahulayan ilalom sa landong sa Usa nga Labing Gamhanan.+   Magaingon ako kang Jehova: “Ikaw mao ang akong dalangpanan ug akong salipdanan,+ Akong Diyos, kang kinsa mosalig ako.”+   Kay siya magaluwas kanimo gikan sa bitik sa tiglit-ag ug langgam,+ Gikan sa kamatay nga nagapahinabog kagul-anan.+   Pinaagi sa iyang mga dagang alihan niya ang agianan sa pagduol kanimo,+ Ug mopasilong ka sa ilalom sa iyang mga pako.+ Ang iyang kamatinud-anon+ mahimong dakong taming+ ug kuta.   Ikaw dili mahadlok sa bisan unsa nga makalilisang sa magabii,+ Ni sa udyong+ nga nagalupad sa maadlaw,   Ni sa kamatay nga nagalakaw sa kangiob,+ Ni sa kalaglagan nga nagalaglag panahon sa kaudtohon.+   Usa ka libo mapukan sa imong kiliran Ug napulo ka libo sa imong tuong kamot; Kanimo kini dili makaabot.+   Pinaagi lamang sa imong mga mata ikaw magatan-aw+ Ug makakita sa balos sa mga daotan.+   Tungod kay ikaw miingon: “Si Jehova mao ang akong dalangpanan,”+ Imong gihimo ang Labing Hataas nga imong puloy-anan;+ 10  Dili modangat kanimo ang katalagman,+ Ug bisan ang usa ka hampak dili mopaduol sa imong tolda.+ 11  Kay sugoon niya ang iyang mga manulonda maylabot kanimo,+ Sa pagbantay kanimo sa tanan mong mga dalan.+ 12  Sa ilang mga kamot ikaw ilang pagasapnayon,+ Aron ang imong tiil dili mapandol sa bato.+ 13  Pagatumban mo ang nating leyon ug ang kobra;+ Pagayatakan mo ang may-lambungay nga nating leyon ug ang dakong bitin.+ 14  Tungod kay iyang gipakita kanako ang iyang pagmahal,+ Igatagana ko usab kaniya ang kaikyasan.+ Panalipdan ko siya tungod kay nakaila siya sa akong ngalan.+ 15  Magatuaw siya kanako, ug tubagon ko siya.+ Diha sa kasakit ako magauban kaniya.+ Ako magaluwas kaniya ug magahimaya kaniya.+ 16  Pagatagbawon ko siya sa daghang mga adlaw,+ Ug pakit-on ko siya sa akong pagluwas.+

Mga Footnote