Laktaw ngadto sa video

Laktaw ngadto sa kaundan

Mga Saksi ni Jehova

Pagpilig pinulongan Cebuano

Salmo 85:1-13

Alang sa direktor. Iya sa mga anak ni Kore. Usa ka salmo. 85  Oh Jehova, nalipay ka sa imong yuta;+Gidala mo pagbalik ang mga nabihag nga iya ni Jacob.+   Gipasaylo mo ang kasaypanan sa imong katawhan;+Gitabonan mo ang tanan nilang sala.+ Seʹlah.   Gipugngan mo ang imong tanang mabangis nga kasuko;+Gitalikdan mo ang kainit sa imong kasuko.+   Tigoma kami pag-usab, Oh Diyos sa among kaluwasan,+Ug pahunonga ang imong kasuko kanamo.+   Masuko ba ikaw kanamo hangtod sa panahong walay tino?+Ipadayon mo ba diay ang imong kasuko hangtod sa sunodsunod nga mga kaliwatan?+   Dili mo ba kami pagabuhion pag-usab,+Aron ang imong katawhan magmaya tungod kanimo?+   Oh Jehova, ipakita kanamo ang imong mahigugmaong-kalulot,+Ug ihatag mo unta kanamo ang imong kaluwasan.+   Magpatalinghog ako kon unsay isulti sa matuod nga Diyos nga si Jehova,+Kay siya magasulti ug pakigdait ngadto sa iyang katawhan+ ug ngadto sa mga maunongon kaniya,Apan ayaw sila pabalika sa pagsalig sa kaugalingon.+   Tino nga ang iyang kaluwasan haduol kanila nga may kahadlok kaniya,+Aron ang himaya magapabilin dinhi sa atong yuta.+ 10  Kon bahin sa mahigugmaong-kalulot ug kamatinud-anon, sila nagkatagbo;+Ang pagkamatarong ug pakigdait—sila naghinalokay.+ 11  Ang kamatinud-anon mogitib gikan sa yuta,+Ug ang pagkamatarong modungaw gikan sa mga langit.+ 12  Si Jehova usab, sa iyang bahin, mohatag kon unsay maayo,+Ug ang atong yuta mohatag sa abot niini.+ 13  Sa iyang atubangan ang pagkamatarong magalakaw,+Ug magabuhat kini ug dalan pinaagi sa iyang mga tunob.+

Mga Footnote