Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 84:1-12

Alang sa direktor sa Gittith.+ Iya sa mga anak ni Kore. Usa ka salmo. 84  Pagkatahom sa imong dakong tabernakulo,+ Oh Jehova sa mga panon!+   Ang akong kalag gihidlaw ug gikapoy sa pagpangandoy sa mga sawang ni Jehova.+ Ang akong kasingkasing ug ang akong unod magahugyaw nga malipayon ngadto sa Diyos nga buhi.+   Bisan ang langgam nakakaplag ug puloy-anan, Ug ang gitgit sa usa ka salag alang sa iyang kaugalingon, Nga gibutangan niya sa iyang mga kuyabog— Ang imong dakong halaran, Oh Jehova sa mga panon, Hari ko ug Diyos ko!   Malipayon sila nga nagapuyo sa imong balay!+ Nagpadayon gihapon sila sa pagdayeg kanimo.+ Seʹlah.   Malipayon ang mga tawo kansang kusog anaa kanimo,+ Nga anaa sa ilang kasingkasing ang dagkong mga dalan.+   Nga nagtadlas sa ubos nga patag sa mga kahoykahoy nga baca,+ Gihimo nila kini nga usa ka tubod; Gibukotan sa magtutudlo+ ang iyang kaugalingon ug mga panalangin.   Magpadayon sila sa paglakaw gikan sa pagkakusganon ngadto sa pagkakusganon;+ Ang tagsatagsa moatubang sa Diyos didto sa Zion.+   Oh Jehova nga Diyos sa mga panon, patalinghogi ang akong pag-ampo;+ Pamatii, Oh Diyos ni Jacob.+ Seʹlah.   Oh among taming, tan-awa, Oh Diyos,+ Ug sud-onga ang nawong sa imong dinihogan.+ 10  Kay ang usa ka adlaw sa imong mga sawang labi pang maayo kay sa usa ka libo sa laing dapit.+ Gipili ko ang pagtindog sa pultahan sa balay sa akong Diyos+ Kay sa paglibotlibot sa mga tolda sa pagkadaotan.+ 11  Kay si Jehova nga Diyos maoy adlaw+ ug taming;+ Pabor ug himaya mao ang iyang igahatag.+ Walay bisan unsang maayo nga ihikaw ni Jehova gikan niadtong nagalakaw nga dili salawayon.+ 12  Oh Jehova sa mga panon, malipayon ang tawo nga nagasalig kanimo.+

Mga Footnote