Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 79:1-13

Usa ka salmo ni Asap. 79  Oh Diyos, ang mga nasod midangat sa imong panulondon;+ Gihugawan nila ang imong balaang templo;+ Ang Jerusalem ilang gihimong tapok sa mga ginun-ob.+   Gihatag nila ang patayng lawas sa imong mga alagad ingon nga pagkaon sa kalanggaman sa kalangitan,+ Ang unod sa mga maunongon kanimo ngadto sa ihalas nga mga mananap sa yuta.+   Gipabanaw nila ang ilang dugo sama sa tubig Sa tibuok Jerusalem, ug walay usa nga molubong.+   Nahimo kami nga kaulawan sa among mga silingan,+ Nga yubitonon ug yagayagaan niadtong nag-alirong kanamo.+   Hangtod kanus-a ba, Oh Jehova, nga ikaw masuko? Hangtod sa kahangtoran?+ Hangtod kanus-a ba nga magdilaab ang imong kasuko sama sa kalayo?+   Ibubo ang imong kaaligutgot ibabaw sa mga nasod nga wala makaila kanimo,+ Ug ibabaw sa mga gingharian nga wala magtawag sa imong ngalan.+   Kay ilang gilamoy si Jacob,+ Ug gihimo nilang awaaw ang iyang puloy-anang dapit.+   Ayaw hinumdomi batok kanamo ang kasaypanan sa among mga katigulangan.+ Pagdali! Paatubanga kanamo ang imong mga kaluoy,+ Kay kami nahimong labihan ka timawa.+   Tabangi kami, Oh Diyos sa among kaluwasan,+ Tungod sa himaya sa imong ngalan;+ Ug luwasa kami ug taboni ang among mga sala tungod sa imong ngalan.+ 10  Nganong magaingon man ang mga nasod: “Hain ba ang ilang Diyos?”+ Atubangan sa among mga mata ipahibalo taliwala sa mga nasod+ Nga panimaslan ang dugo sa imong mga alagad nga naula.+ 11  Hinaot ang pagpanghupaw sa binilanggo modangat sa imong atubangan.+ Sumala sa pagkadako sa imong bukton tipiging buhi kadtong mga natudlo sa kamatayon.+ 12  Ug basli ang among mga silingan ug pito ka pilo nganha sa ilang sabakan+ Sa ilang pagpakaulaw nga ilang gihimo batok kanimo, Oh Jehova.+ 13  Kon bahin kanamo nga imong katawhan ug mga karnero sa imong sibsibanan,+ Magapasalamat kami kanimo hangtod sa panahong walay tino; Gikan sa kaliwatan ngadto sa laing kaliwatan igapahayag namo ang imong pagdayeg.+

Mga Footnote