Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 73:1-28

Usa ka salmo ni Asap.+ 73  Ang Diyos tinuod nga maayo sa Israel, ngadto sa mga hinlo ug kasingkasing.+   Kon bahin kanako, hapit na gayong matipas ang akong mga tiil,+ Diriyot nang maligas ang akong mga lakang.+   Kay nasina ako sa mga hambogiro,+ Sa dihang nakita ko ang kalinaw sa mga tawong daotan.+   Kay wala silay mga kahapdos sa kamatayon;+ Ug nagbuy-on ang ilang tiyan.+   Wala gani sila makaagom sa kabalaka sa may-kamatayong tawo,+ Ug wala sila hampaka ingon sa ubang mga tawo.+   Busa ang pagkamapahitas-on nagsilbing ilang kulentas;+ Ang kapintasan nagbukot kanila ingon sa usa ka besti.+   Ang ilang mga mata namudlat sa katambok;+ Gilabwan nila ang mga panghanduraw sa kasingkasing.+   Nagatamay ug nagasulti sila sa kon unsay daotan;+ Bahin sa pagpanikas sila nagasulti nga mapahitas-on.+   Gibutang nila ang ilang baba sa kalangitan,+ Ug ang ilang dila nagsuroysuroy sa yuta.+ 10  Busa gidala niyag balik ang iyang katawhan dinhi, Ug ang dagayang tubig gititi alang kanila. 11  Ug sila nag-ingon: “Giunsa pagkahibalo sa Diyos?+ Ug aduna bay kahibalo ang Labing Hataas?”+ 12  Tan-awa! Kini sila mao ang mga daotan, nga anaa sa kahayahay hangtod sa panahong walay tino.+ Nakapauswag sila sa ilang panginabuhian.+ 13  Kawang lamang gayod nga gihinloan ko ang akong kasingkasing+ Ug gihunawan ko ang akong mga kamot sa pagkainosente.+ 14  Ug ako gihampak sa tibuok nga adlaw,+ Ug ako gitul-id sa matag buntag.+ 15  Kon ako miingon: “Moasoy ako ug sama niana,” Tan-awa! batok sa kaliwatan sa imong mga anak Ako nagmaluibon.+ 16  Ug nagpadayon ako sa paghunahuna aron mahibaloan kini;+ Kasamok kini sa akong mga mata, 17  Hangtod nga misulod ako sa dakong sangtuwaryo sa Diyos.+ Buot kong hisayran ang ilang kaugmaon.+ 18  Tino nga gibutang mo sila sa madanglog nga dapit.+ Gipamukan mo sila ngadto sa kalaglagan.+ 19  Oh naunsa nga sila nahimong butang nga makapahingangha sa daklit lamang!+ Naunsa nga midangat sila sa ilang kataposan, nga natibawas tungod sa kalit nga mga kalisang! 20  Ingon sa usa ka damgo sa dihang mahigmata, Oh Jehova,+ Ingon usab niana sa dihang ikaw mahigmata pagatamayon mo ang ilang larawan.+ 21  Kay ang akong kasingkasing nagmasulub-on sa hilabihan+ Ug sa akong mga rinyon ako gisakitan pag-ayo,+ 22  Ug ako walay kabuot ug dili ako makahibalo;+ Sa imong panglantaw ako maoy ingon lamang sa mga mananap.+ 23  Apan ako nagauban kanunay kanimo;+ Gikuptan mo ang akong tuong kamot.+ 24  Pinaagi sa imong tambag pagatultolan mo ako,+ Ug sa ulahi dad-on mo ako sa himaya.+ 25  Kinsa may ako sa mga langit?+ Ug gawas kanimo ako wala nay laing kalipay dinhi sa yuta.+ 26  Ang akong unod ug ang akong kasingkasing naluya.+ Ang Diyos mao ang bato sa akong kasingkasing ug ang akong bahin hangtod sa panahong walay tino.+ 27  Kay, tan-awa! ang mga nagapahilayo kanimo malaglag.+ Imo gayong pahilomon ang matag usa nga nagabiya kanimo tungod sa kahilayan.+ 28  Apan bahin kanako, ang pagduol sa Diyos maayo alang kanako.+ Ang Soberanong Ginoong Jehova gihimo ko nga akong dalangpanan,+ Aron ipahayag ang tanan mong mga buhat.+

Mga Footnote