Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 72:1-20

Bahin kang Solomon. 72  Oh Diyos, ihatag ang imong hudisyal nga mga hukom ngadto sa hari,+ Ug ang imong pagkamatarong ngadto sa anak sa hari.+   Labanan unta niya ang kawsa sa imong katawhan uban sa pagkamatarong+ Ug sa imong mga sinakit uban sa hudisyal nga hukom.+   Ang kabukiran magadala unta ug pakigdait ngadto sa katawhan,+ Ang mga bungtod usab, pinaagi sa pagkamatarong.   Hukman unta niya ang mga sinakit sa katawhan,+ Luwason unta niya ang mga anak sa kabos, Ug dugmokon unta niya ang mga tikasan.   Mahadlok sila kanimo samtang anaa pa ang adlaw,+ Ug sa atubangan sa bulan sa sunodsunod nga mga kaliwatan.+   Mokunsad siya ingon sa ulan sa ibabaw sa gigalaban nga balili,+ Ingon sa dagayang taligsik nga nagbasa sa yuta.+   Sa iyang mga adlaw molambo ang matarong,+ Ug ang kadagaya sa pakigdait hangtod nga ang bulan mahanaw na.+   Ug aduna unya siyay mga sakop gikan sa usa ka dagat ngadto sa laing dagat+ Ug gikan sa Suba+ hangtod sa mga kinatumyan sa yuta.+   Ang mga molupyo sa walay-tubig nga mga rehiyon moyukbo sa atubangan niya,+ Ug ang iyang mga kaaway motila sa abog.+ 10  Ang mga hari sa Tarsis ug sa kapuloan+ Sila magabayad ug tributo.+ Ang mga hari sa Sheba ug sa Seba— Sila magahatag ug gasa.+ 11  Ug ang tanang hari mohapa kaniya;+ Ang tanang kanasoran magaalagad kaniya.+ 12  Kay pagaluwason niya ang kabos nga nagatuaw alang sa tabang,+ Ingon man ang sinakit ug si bisan kinsa nga walay magtatabang.+ 13  Maluoy siya sa timawa ug sa kabos,+ Ug pagaluwason niya ang mga kalag sa mga kabos.+ 14  Gikan sa pagpanglupig ug sa kapintasan tubson niya ang ilang kalag, Ug ang ilang dugo mahimong bililhon sa iyang mga mata.+ 15  Ug mabuhi unta siya,+ ug ihatag kaniya ang ubang mga bulawan sa Sheba.+ Ug alang kaniya kanunay nga pagahimoon ang pag-ampo; Ug ipadayeg siya sa tibuok nga adlaw.+ 16  Aduna unyay dagayang lugas sa ibabaw sa yuta;+ Sa tumoy sa kabukiran adunay pagsugwak.+ Ang iyang bunga mahisama nianang sa Lebanon,+ Ug kadtong gikan sa siyudad molambo sama sa mga tanom sa yuta.+ 17  Ang iyang ngalan molungtad unta hangtod sa panahong walay tino;+ Ang iyang ngalan mouswag unta sa atubangan sa adlaw, Ug pinaagi kaniya panalanginan unta nila ang ilang kaugalingon;+ Ang tanang kanasoran magapahayag unta kaniya nga malipayon.+ 18  Dalayegon si Jehova nga Diyos, ang Diyos sa Israel,+ Nga mao lamang ang nagabuhat ug katingalahang mga buhat.+ 19  Ug dalayegon ang iyang mahimayaong ngalan hangtod sa panahong walay tino,+ Ug pagapun-on unta ang tibuok nga yuta sa iyang himaya.+ Amen ug Amen. 20  Ang mga pag-ampo ni David, nga anak ni Jese,+ natapos na.

Mga Footnote