Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 66:1-20

Ngadto sa direktor. Usa ka awit, usa ka salmo. 66  Singgit kamo sa kadaogan ngadto sa Diyos, kamong tibuok nga katawhan sa yuta.+   Magaawit kamo ug mga pagdayeg sa kahimayaan sa iyang ngalan.+ Himoa nga mahimayaon ang iyang pagdayeg.+   Ingna ang Diyos: “Pagkamakalilisang sa imong mga buhat!+ Tungod sa kadagaya sa imong kusog ang imong mga kaaway mokupoy sa pagduol kanimo.+   Ang tibuok nga katawhan sa yuta moyukbo kanimo,+ Ug sila magaawit ug mga pagdayeg kanimo, sila magaawit ug mga pagdayeg sa imong ngalan.”+ Seʹlah.   Dali kamo, ug tan-awa ang mga buhat sa Diyos.+ Ang iyang ginabuhat sa mga anak sa mga tawo makalilisang.+   Gihimo niya ang dagat nga yutang mamala;+ Latas sa suba sila nanabok nga nagtiniil.+ Didto nagkalipay kita diha kaniya.+   Siya nagamando pinaagi sa iyang gahom hangtod sa panahong walay tino.+ Ang iyang mga mata nagabantay sa mga nasod.+ Kon bahin sa mga gahian, dili unta sila magpataas sa ilang kaugalingon.+ Seʹlah.   Dayega ninyo ang atong Diyos, Oh kamong mga katawhan,+ Ug ipadungog ang tingog sa pagdayeg kaniya.+   Siya nagapahimutang sa atong kalag taliwala sa mga buhi,+ Ug wala niya itugot nga ang atong mga tiil matarog.+ 10  Kay gisusi mo kami, Oh Diyos;+ Gidalisay mo kami ingon sa pagdalisay sa plata.+ 11  Gisulod mo kami sa pukot sa pangayam;+ Ang kabug-at gibutang mo sa among balat-ang. 12  Gipasakay mo sa ibabaw sa among ulo ang may-kamatayong tawo;+ Milabang kami sa kalayo ug sa tubig,+ Ug gidala mo kami alang sa kahupayan.+ 13  Mosulod ako sa imong balay uban ang tibuok nga mga halad-nga-sinunog;+ Magabayad ako kanimo sa akong mga panaad+ 14  Nga gibungat sa akong mga ngabil+ Ug gisulti sa akong baba sa dihang ako diha sa kalisdanan.+ 15  Ihalad ko kanimo ang tibuok nga mga halad-nga-sinunog sa mga pinatambok,+ Uban ang gipaaso nga halad sa mga laking karnero. Magahalad ako ug usa ka torong baka uban sa mga laking kanding.+ Seʹlah. 16  Dali, magpatalinghog, kamong tanan nga nahadlok sa Diyos, ug iasoy ko+ Kon unsa ang iyang gibuhat alang sa akong kalag.+ 17  Kaniya mitawag ako pinaagi sa akong baba,+ Ug gihimo ang pagdayeg pinaagi sa akong dila.+ 18  Kon sa akong kasingkasing ako nagpalandong sa butang nga makadaot, Si Jehova dili magpatalinghog kanako.+ 19  Sa pagkamatuod ang Diyos nagpatalinghog;+ Siya nagpatalinghog sa tingog sa akong pag-ampo.+ 20  Dalayegon ang Diyos, nga wala magsalikway sa akong pag-ampo, Ni sa iyang mahigugmaong-kalulot gikan kanako.+

Mga Footnote