Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 62:1-12

Ngadto sa direktor sa Jedutun. Usa ka salmo ni David. 62  Sa pagkatinuod hilom nga nagahulat sa Diyos ang akong kalag.+ Ang akong kaluwasan nagagikan kaniya.+   Sa pagkatinuod siya mao ang akong bato ug ang akong kaluwasan, ang akong luwas nga hataas nga dapit;+ Ako dili matarog sa hilabihan.+   Hangtod kanus-a ba nga magalungotlungot kamo batok sa tawo nga buot ninyong bun-on?+ Kamong tanan nahisama sa hirig nga paril, bato nga paril nga hapit nang malumpag.+   Sa pagkatinuod sila mohatag ug tambag aron hayloon ang usa gikan sa iyang dignidad;+ Sila mahimuot sa kabakakan.+ Pinaagi sa ilang baba sila magapanalangin, apan sa ilang kahiladman sila magapanghimaraot.+ Seʹlah.   Sa Diyos gayod maghulat ka sa hilom, Oh kalag ko,+ Tungod kay ang akong paglaom nagagikan kaniya.+   Sa pagkatinuod siya mao ang akong bato ug ang akong kaluwasan, ang akong luwas nga hataas nga dapit;+ Ako dili matarog.+   Sa Diyos anaa ang akong kaluwasan ug ang akong himaya.+ Ang bato ko nga malig-on, ang akong dalangpanan anaa sa Diyos.+   Salig kamo kaniya sa tanang panahon, Oh katawhan.+ Sa atubangan niya ibubo ninyo ang inyong kasingkasing.+ Ang Diyos maoy atong dalangpanan.+ Seʹlah.   Sa pagkatinuod ang mga anak sa yutan-ong tawo usa ka hinungaw lamang,+ Ang mga anak sa katawhan maoy kabakakan.+ Kon ibutang sa timbangan silang tanan mas gaan pa kay sa hinungaw.+ 10  Ayaw kamo pagsalig sa pagpanikas,+ Ni mahimong walay-pulos tungod sa labihan nga pagpanulis.+ Kon modagaya ang panginabuhian, ayaw ibutang ang inyong kasingkasing niana.+ 11  Kausa ang Diyos nagsulti, kaduha ko kining nadungog,+ Nga ang kusog iya sa Diyos.+ 12  Ang mahigugmaong-kalulot imo usab, Oh Jehova,+ Kay magabalos ka sa matag usa sumala sa iyang buhat.+

Mga Footnote