Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 60:1-12

Ngadto sa direktor sa Lirio sa Pahinumdom. Miktam. Iya ni David. Alang sa pagtudlo.+ Sa dihang siya nakig-away sa Aram-naharaim ug sa Aram-Zoba, ug si Joab mibalik ug nagpukan sa Edom sa Walog sa Asin, sa napulog-duha ka libo.+ 60  Oh Diyos, gisalikway mo kami, gibungkag mo kami,+ Nasuko ka. Ipasig-uli mo kami.+   Giuyog mo ang yuta, gipikas mo kini.+ Ayoha ang mga gawang niini, kay kini natarog.+   Imong gipakita ang imong katawhan sa kalisdanan.+ Imo kaming gipainom ug bino nga nagpasusapinday kanamo.+   Gihatagan mo ug usa ka timailhan kadtong mga nangahadlok kanimo+ Aron mokalagiw nga mag-ekis-ekis tungod sa busogan. Seʹlah.   Aron ang imong mga hinigugma pagaluwason,+ Oh luwasa pinaagi sa imong tuong kamot ug tubaga kami.+   Ang Diyos nagsulti diha sa iyang pagkabalaan:+ “Magsadya ako, ihatag ko ingon nga usa ka bahin ang Sekem;+ Ug pagasukdon ko ang ubos nga patag sa Sucot.+   Akoa ang Gilead ug akoa ang Manases,+ Ug ang Epraim mao ang kuta sa akong pangulo; Ang Juda mao ang sungkod sa akong komandante.+   Ang Moab mao ang akong dulang nga hugasanan.+ Sa Edom ilabay ko ang akong sandalyas.+ Sa Pilistia mosinggit ako sa kadaogan.”+   Kinsa ang modala kanako ngadto sa gilikosan nga siyudad?+ Kinsa ang motultol kanako hangtod sa Edom?+ 10  Dili ba ikaw, Oh Diyos, ang nagsalikway kanamo+ Ug dili mouban ingon nga Diyos sa among kasundalohan?+ 11  Tabangi kami gikan sa kasakitan,+ Sanglit ang kaluwasan nga gikan sa yutan-ong tawo walay-kapuslanan.+ 12  Pinaagi sa Diyos makabaton kami ug kusog,+ Ug iyang pagatamaktamakan ang among mga kaaway.+

Mga Footnote