Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 52:1-9

Ngadto sa direktor. Maskil. Iya ni David, sa dihang si Doeg nga Edomhanon miabot ug misugilon kang Saul ug misulti kaniya nga si David miadto sa balay ni Ahimelek.+ 52  Nganong manghambog ka sa butang nga daotan, Oh ikaw nga gamhanan?+ Ang mahigugmaong-kalulot sa Diyos nagapadayon sa tibuok nga adlaw.+   Mga kadaotan ang ginalaraw sa imong dila, binaid sama sa labaha,+ Nga nagabuhat nga malimbongon.+   Gihigugma mo ang daotan labaw kay sa maayo,+ Ang kabakakan labaw kay sa pagsulti sa pagkamatarong.+ Seʹlah.   Gihigugma mo ang tanang nagadaot nga mga pulong,+ Oh dila nga malimbongon.+   Ang Diyos magapukan usab kanimo hangtod sa kahangtoran;+ Siya magapalup-og kanimo ug magalabnot kanimo gikan sa imong tolda,+ Ug pagalukahon ka gayod gikan sa yuta sa mga buhi.+ Seʹlah.   Ug ang mga matarong makakita niini ug mahadlok,+ Ug ilang kataw-an siya.+   Ania, ang tawo nga lig-on ug lawas wala maghimo sa Diyos ingon nga iyang kuta,+ Apan nagasalig hinuon sa kadagaya sa iyang bahandi,+ Nga nagapasilong sa mga kadaotan nga gipahinabo niya.+   Apan ako mahisama sa malamboon nga kahoyng olibo+ sa balay sa Diyos; Ako nagasalig sa mahigugmaong-kalulot sa Diyos hangtod sa panahong walay tino, bisan hangtod sa kahangtoran.+   Pagadayegon ko ikaw hangtod sa panahong walay tino, kay milihok ka;+ Ug magalaom ako sa imong ngalan, tungod kay kini maayo, sa atubangan sa mga maunongon kanimo.+

Mga Footnote