Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 49:1-20

Ngadto sa direktor. Iya sa mga anak ni Kore.+ Usa ka salmo. 49  Patalinghogi kini, kamong tanang katawhan. Pamati, kamong tanang molupyo niini nga sistema sa mga butang,+   Kamong mga anak sa katawhan ingon man kamong mga anak sa tawo, Adunahan ug kabos sa tingob.+   Ang akong baba magasulti ug mga butang bahin sa kaalam,+ Ug ang pagpamalandong sa akong kasingkasing maoy mga butang bahin sa pagsabot.+   Ikiling ko ang akong igdulungog sa usa ka panultihon;+ Ipadayag ko ang akong tigmo+ nga dinuyogan ug alpa.   Nganong mahadlok man ako sa mga adlaw nga daotan,+ Sa dihang libotan ako sa kasaypanan sa mga malipotong mopuli kanako?+   Silang mga nagasalig sa ilang panginabuhian,+ Ug kanunay nga nagapanghambog sa kadagaya sa ilang bahandi,+   Walay usa kanila sa bisan unsang paagi ang makatubos bisan sa usa ka igsoon,+ Ni makahatag sa Diyos ug usa ka lukat alang kaniya;   (Ug ang bili nga pangtubos sa ilang kalag bililhon kaayo+ Mao nga kini napakyas hangtod sa panahong walay tino)   Aron mabuhi pa siya gihapon hangtod sa kahangtoran ug dili makakita sa gahong.+ 10  Kay makita niya nga bisan ang mga maalamon mamatay,+ Ang hungog ug ang walay kabuot mahanaw sa tingob,+ Ug ibilin nila sa uban ang ilang panginabuhian.+ 11  Ang ilang tinguha sa kahiladman mao nga ang ilang mga balay magpabilin unta hangtod sa panahong walay tino,+ Ang ilang mga tabernakulo hangtod sa sunodsunod nga mga kaliwatan.+ Gitawag nila ang ilang gipanag-iyang kayutaan sumala sa ilang ngalan.+ 12  Apan ang yutan-ong tawo, bisan pag madungganon, dili makapadayon;+ Siya sama gayod sa mga mananap nga nangamatay.+ 13  Kini mao ang dalan sa mga hungog,+ Ug niadtong mga nagasunod kanila nga nagakalipay sa ilang mga gipanulti. Seʹlah. 14  Sila gikatudlo na ngadto sa Sheol+ sama sa mga karnero; Ang kamatayon magabantay kanila;+ Ug ang mga matul-id magagahom kanila sa kabuntagon,+ Ug ang ilang mga panagway mangaut-ot;+ Ang Sheol inay usa ka halangdong puloy-anan maoy alang sa matag usa kanila.+ 15  Apan, pagatubson sa Diyos ang akong kalag gikan sa kamot sa Sheol,+ Kay pagadawaton niya ako. Seʹlah. 16  Ayaw kahadlok tungod kay ang usa ka tawo makabaton ug bahandi,+ Tungod kay ang himaya sa iyang balay mouswag,+ 17  Kay panahon sa iyang kamatayon wala gayod siyay madala;+ Ang iyang himaya dili mouban kaniya.+ 18  Kay sa panahon nga buhi pa siya nagpanalangin siya sa iyang kalag;+ (Ug pagadayegon ka sa mga tawo tungod kay ikaw nagabuhat ug maayo alang sa imong kaugalingon)+ 19  Ang iyang kalag sa kataposan modangat lamang hangtod sa kaliwatan sa iyang mga katigulangan.+ Bisan kanus-a dili na gayod sila makakita sa kahayag.+ 20  Ang yutan-ong tawo, bisan pag dungganon, nga dili makasabot,+ Maoy sama gayod sa mga mananap nga nangamatay.+

Mga Footnote