Laktaw ngadto sa video

Laktaw ngadto sa kaundan

Mga Saksi ni Jehova

Pagpilig pinulongan Cebuano

Salmo 46:1-11

Ngadto sa direktor. Iya sa mga anak ni Kore+ labot sa Mga Dalaga. Usa ka awit. 46  Ang Diyos mao ang atong dalangpanan ug kusog,+Usa ka katabang nga daling hikaplagan panahon sa mga kasakitan.+   Mao nga dili kita mahadlok, bisan ang yuta moagig kausaban+Ug bisan ang kabukiran matarog ngadto sa kinapusoran sa halapad nga kadagatan;+   Bisan ang mga tubig niini magadaguok, magabula,+Bisan ang kabukiran mauyog tungod sa pagdahunog niini.+ Seʹlah.   Adunay usa ka suba nga ang mga sapa niini makapalipay sa siyudad sa Diyos,+Ang labing balaan nga dakong tabernakulo sa Labing Hataas.+   Ang Diyos anaa sa taliwala sa siyudad;+ kana dili matarog.+Ang Diyos magatabang niana sa pagbanagbanag sa kabuntagon.+   Ang mga nasod nagubot,+ ang mga gingharian nangatay-og;Gipalanog niya ang iyang tingog, ang yuta natunaw.+   Si Jehova sa mga panon nagauban kanato;+Ang Diyos ni Jacob maoy usa ka luwas nga hataas nga dapit alang kanato.+ Seʹlah.   Dali kamo, tan-awa ang mga kalihokan ni Jehova,+Kon giunsa niya pagpahinabo ang makapahinganghang mga hitabo sa ibabaw sa yuta.+   Gipahunong niya ang mga gubat hangtod sa kinatumyan sa yuta.+Gibali niya ang busogan ug giputolputol ang bangkaw;+Ang mga karomata iyang gisunog sa kalayo.+ 10  “Hunong kamo, ug ilhon ninyo nga ako mao ang Diyos.+Pagabayawon ako taliwala sa mga nasod,+Pagabayawon ako diha sa yuta.”+ 11  Si Jehova sa mga panon nagauban kanato;+Ang Diyos ni Jacob maoy luwas nga hataas nga dapit alang kanato.+ Seʹlah.

Mga Footnote