Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 45:1-17

Ngadto sa direktor sa Mga Lirio. Iya sa mga anak ni Kore. Masʹkil. Usa ka awit mahitungod sa hinigugmang mga babaye. 45  Napukaw ang akong kasingkasing sa usa ka maayong butang.+ Nagaingon ako: “Ang akong mga buhat maoy mahitungod sa usa ka hari.”+ Ang akong dila maoy dagang+ unta sa usa ka batid nga magkokopya.+   Ikaw mas ambongan gayod kay sa mga anak sa mga tawo.+ Ang pagkamadanihon gibubo diha sa imong mga ngabil.+ Mao nga ang Diyos nagpanalangin kanimo hangtod sa panahong walay tino.+   Ibakos ang imong espada+ dapit sa imong paa, Oh usa nga gamhanan,+ Uban ang imong dignidad ug ang imong kahalangdon.+   Ug sa imong kahalangdon magmalamposon ka;+ Sakay sa kawsa sa kamatuoran ug sa pagkamapainubsanon ug sa pagkamatarong,+ Ug ang imong tuong kamot magatudlo kanimo sa mga butang nga makalilisang.+   Ang imong mga udyong mahait—sa ilalom nimo ang mga tawo mangapukan+ Diha sa kasingkasing sa mga kaaway sa hari.+   Ang Diyos maoy imong trono hangtod sa panahong walay tino, bisan hangtod sa kahangtoran;+ Ang setro sa imong pagkahari maoy setro sa katul-id.+   Gihigugma mo ang pagkamatarong+ ug gidumtan mo ang pagkadaotan.+ Mao nga ang Diyos, ang imong Diyos,+ nagdihog+ kanimo sa lana sa kasadya+ labaw kay sa imong mga kauban.+   Ang tanan nimong mga besti maoy mira ug kahoyng aloe ug casia;+ Gikan sa dakong palasyo nga garing+ ang kinuldasan nga mga tulonggon naglipay kanimo.   Ang mga anak nga babaye+ sa mga hari nahilakip sa imong gimahal nga kababayen-an. Ang rayna+ nagbarog sa imong tuong kamot nga dinayandayanan ug bulawan sa Opir.+ 10  Pamati, Oh anak nga babaye, ug tan-aw, ug ikiling ang imong igdulungog; Ug kalimti ang imong katawhan ug ang balay sa imong amahan.+ 11  Ug ang hari mangandoy sa imong kaanyag,+ Kay siya mao ang imong ginoo,+ Busa yukboi siya.+ 12  Ang anak nga babaye sa Tiro adunay gasa+ usab— Ang mga dato sa katawhan magapalukmay sa imong nawong.+ 13  Ang anak nga babaye sa hari maoy tuman ka mahimayaon sa sulod sa balay;+ Ang iyang besti may mga borda sa bulawan nga hilo. 14  Nga nagsul-ob ug hinablon nga sapot siya pagadad-on ngadto sa hari.+ Ang mga ulay nga nagsunod kaniya ingon nga iyang mga kauban ginadala nganha kanimo.+ 15  Sila pagadad-on uban ang pagmaya ug pagkamalipayon; Sila mosulod sa palasyo sa hari. 16  Puli sa imong mga katigulangan+ anaa unya ang imong mga anak,+ Nga imong itudlo ingon nga mga prinsipe sa tibuok nga yuta.+ 17  Hisgotan ko ang imong ngalan sa tanang umalabot nga mga kaliwatan.+ Mao nga pagadayegon ka sa mga katawhan hangtod sa panahong walay tino, bisan hangtod sa kahangtoran.

Mga Footnote