Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 38:1-22

Usa ka salmo ni David, aron magpahinumdom. 38  Oh Jehova, ayaw ako badlonga diha sa imong kasuko,+ Ni tul-iron mo ako diha sa imong kaaligutgot.+   Kay ang imong mga udyong mitaop kanako,+ Ug ang imong kamot nagadat-og sa ibabaw nako.+   Walay bahin nga maayo sa akong unod tungod sa imong mahukmanong pagsaway.+ Walay kalinaw sa akong mga bukog tungod sa akong sala.+   Kay milapaw sa akong ulo ang akong kasaypanan;+ Sama sa mabug-at nga luwan sila bug-at kaayo alang kanako.+   Ang akong mga samad nabaho, sila nagnangnang, Tungod sa akong kabuang.+   Nalibog ako, natikuko ako sa hilabihan gayod;+ Naglakaw ako sa tibuok adlaw nga masulub-on.+   Kay ang akong mga balat-ang nalukop sa kangutngot, Ug walay bahin nga maayo sa akong unod.+   Naminhod ako ug nahugno sa hilabihan gayod; Mitiyabaw ako tungod sa pag-agulo sa akong kasingkasing.+   Oh Jehova, ang tanan kong tinguha anaa sa imong atubangan, Ug ang akong pagpanghupaw wala matago gikan kanimo.+ 10  Ang akong kasingkasing kusog nga nagbutokbutok, nawad-an ako sa akong kusog, Ug ang kahayag sa akong mga mata nawala usab kanako.+ 11  Kon bahin sa mga nahigugma kanako ug sa akong mga higala, sila nagatindog nga halayo gikan sa akong kasakit,+ Ug ang suod kong mga kaila nagabarog sa halayo.+ 12  Apan kadtong nagpangita sa akong kalag nagapahilunag mga bitik,+ Ug kadtong nagtinguha ug kadaotan alang kanako naghisgot ug mga kagul-anan,+ Ug nagpadayon sila sa pagyamyam ug mga panglimbong sa tibuok nga adlaw.+ 13  Kon bahin kanako, sama sa bungol, wala ako mamati;+ Ug sama sa amang, wala ko bukha ang akong baba.+ 14  Ug nahisama ako sa usa ka tawo nga wala makadungog, Ug walay mga kontra-argumento diha sa akong baba. 15  Kay kanimo, Oh Jehova, naghulat ako;+ Ikaw mitubag, Oh Jehova nga Diyos ko.+ 16  Kay miingon ako: “Basin ug sila magamaya unya tungod kanako;+ Sa dihang ako molakaw nga magparagparag,+ sila magpasibantog gayod batok kanako.”+ 17  Kay ako hapit nang magtakiang,+ Ug ang akong kasakit anaa kanunay sa akong atubangan.+ 18  Kay gisugid ko ang akong kasaypanan;+ Nabalaka ako tungod sa akong sala.+ 19  Ug nahimong gamhanan ang akong mga kaaway nga buhi,+ Ug midaghan ang mga nagadumot kanako sa walay hinungdan.+ 20  Ug gibaslan nila ako ug daotan baylo sa maayo;+ Nagpadayon sila pagsukol kanako tungod sa akong pagsunod sa maayo.+ 21  Oh Jehova, ayaw ako biyai. Oh Diyos ko, ayaw pagpahilayo kanako.+ 22  Pagdali sa pagtabang kanako,+ Oh Jehova nga akong kaluwasan.+

Mga Footnote