Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 36:1-12

Ngadto sa direktor. Iya sa alagad ni Jehova, si David. 36  Ang malapasong pulong sa tawong daotan anaa sa sulod sa iyang kasingkasing;+ Walay kahadlok sa Diyos sa atubangan sa iyang mga mata.+   Kay nag-ulog-ulog siya pag-ayo sa iyang kaugalingong mga mata+ Aron dili masusihan ang iyang sayop aron pagadumtan kini.+   Ang mga pulong sa iyang baba maoy pangdaot ug panglimbong;+ Mihunong siya sa pagbaton ug hait nga salabotan aron sa pagbuhat ug maayo.+   Pangdaot mao ang ginalaraw niya kanunay diha sa iyang higdaanan.+ Nagpahimutang siya sa usa ka dalan nga dili maayo.+ Ang daotan wala niya isalikway.+   Oh Jehova, ang imong mahigugmaong-kalulot anaa sa kalangitan;+ Ang imong pagkakasaligan nakaabot sa kapanganoran.+   Ang imong pagkamatarong maoy sama sa mga bukid sa Diyos;+ Ang imong hudisyal nga hukom maoy usa ka dakong halawom nga katubigan.+ Oh Jehova, ginaluwas mo ang tawo ug ang mananap.+   Pagkabililhon sa imong mahigugmaong-kalulot, Oh Diyos!+ Ug sa landong sa imong mga pako modangop ang mga anak sa mga tawo.+   Moinom sila sa ilang katagbawan sa katambok sa imong balay;+ Ug sa bul-og sa imong mga kalipayan gipainom mo sila.+   Kay anaa kanimo ang tuboran sa kinabuhi;+ Pinaagi sa kahayag nga gikan kanimo kami makakita ug kahayag.+ 10  Ipadayon ang imong mahigugmaong-kalulot niadtong mga nakaila kanimo,+ Ug ang imong pagkamatarong niadtong mga matul-id sa kasingkasing.+ 11  Dili unta moabot batok kanako ang tiil sa pagkamapahitas-on;+ Kon bahin sa kamot sa mga tawong daotan, dili unta ako himoon niini nga usa ka latagaw.+ 12  Didto nangapukan ang mga mamumuhat sa butang nga makadaot;+ Sila gipanukmod ug sila dili na arang makatindog.+

Mga Footnote