Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 34:1-22

Iya ni David, sa panahon sa iyang pagpakaaron-ingnon nga buang+ sa atubangan ni Abimelek, mao nga iyang gihinginlan siya, ug siya milakaw. א [ʼAʹleph] 34  Pagadayegon ko si Jehova sa tanang panahon;+ Ang pagdayeg kaniya maanaa kanunay sa akong baba.+ ב [Behth]   Diha kang Jehova manghambog ang akong kalag;+ Ang mga maaghop makadungog ug managmaya.+ ג [Giʹmel]   Oh padakoa ninyo si Jehova uban kanako,+ Ug usahan ta ang pagbayaw sa iyang ngalan.+ ד [Daʹleth]   Nagpakisayod ako kang Jehova, ug gitubag niya ako,+ Ug giluwas niya ako gikan sa tanan kong gikalisangan.+ ה [Heʼ]   Sila mitan-aw kaniya ug nahimong madan-agon,+ Ug ang ilang mga nawong dili gayod maulawan.+ ז [Zaʹyin]   Kining sinakit mitawag, ug gidungog ni Jehova.+ Ug Siya nagluwas kaniya gikan sa tanan niyang kasakit.+ ח [Chehth]   Ang manulonda ni Jehova nagkampo libot niadtong nangahadlok kaniya,+ Ug siya nagluwas kanila.+ ט [Tehth]   Oh tilawi ug tan-awa ninyo nga si Jehova maayo;+ Malipayon ang tawo nga lig-on ug lawas nga modangop kaniya.+ י [Yohdh]   Kahadloki ninyo si Jehova, kamong mga balaan niya,+ Kay sa mga nangahadlok kaniya walay makulang.+ כ [Kaph] 10  Ang may-lambungay nga mga nating leyon nakulangan ug gigutom;+ Apan silang nagapangita kang Jehova, dili sila makulangan ug bisan unsang butang nga maayo.+ ל [Laʹmedh] 11  Umari kamo, mga anak, pamati kanako;+ Ang pagkahadlok kang Jehova maoy itudlo ko kaninyo.+ מ [Mem] 12  Kinsa ang tawo nga nahimuot sa kinabuhi,+ Nga nahigugma sa igong gidaghanon sa mga adlaw aron makita ang maayo?+ נ [Nun] 13  Bantayi ang imong dila batok sa daotan,+ Ug ang imong mga ngabil batok sa pagsulti ug panglimbong.+ ס [Saʹmekh] 14  Pahilayo sa daotan, ug buhata ang maayo;+ Pangitaa ang pakigdait, ug sunda kini.+ ע [ʽAʹyin] 15  Ang mga mata ni Jehova gipunting sa mga matarong,+ Ug ang iyang mga igdulungog gikiling sa ilang pagtuaw alang sa tabang.+ פ [Peʼ] 16  Ang nawong ni Jehova maoy batok sa mga nagabuhat ug daotan,+ Aron putlon ang paghisgot kanila gikan sa yuta.+ צ [Tsa·dhehʹ] 17  Sila mituaw, ug si Jehova nagpatalinghog,+ Ug iyang giluwas sila gikan sa tanan nilang kasakit.+ ק [Qohph] 18  Si Jehova haduol niadtong mga dugmok ug kasingkasing;+ Ug siya magaluwas niadtong mga nahugno sa espiritu.+ ר [Rehsh] 19  Daghan ang mga katalagman sa matarong,+ Apan si Jehova magaluwas kaniya gikan niining tanan.+ ש [Shin] 20  Siya nagabantay sa tanan niyang mga bukog; Walay usa kanila nga nabali.+ ת [Taw] 21  Ang katalagman magapatay sa daotan;+ Ug pagaisipong sad-an ang mga nagadumot sa matarong.+ 22  Si Jehova nagatubos sa kalag sa iyang mga alagad;+ Ug walay mausa sa mga modangop kaniya ang pagaisipong sad-an.+

Mga Footnote