Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 33:1-22

33  Managhugyaw nga malipayon, Oh kamong mga matarong, tungod kang Jehova.+ Sa mga matul-id ang pagdayeg angayan.+   Magpasalamat kamo kang Jehova uban sa alpa;+ Sa tulonggon nga may napulo ka kuldas+ magaawit kamo ug mga pagdayeg kaniya.   Manag-awit kamo kaniya ug usa ka bag-ong awit;+ Tugtoga ninyo ang labing maayo sa mga kinuldasan uban ang malipayong pagsinggit.+   Kay ang pulong ni Jehova matul-id,+ Ug ang tanan niyang buhat maoy sa pagkamatinumanon.+   Siya nahigugma sa pagkamatarong ug sa hustisya.+ Ang yuta napuno sa mahigugmaong-kalulot ni Jehova.+   Pinaagi sa pulong ni Jehova nabuhat ang mga langit,+ Ug ang tanan nilang panon pinaagi sa espiritu sa iyang baba.+   Ginatigom niya nga samag pinaagi sa usa ka diki ang katubigan sa dagat,+ Nga ginabutang sulod sa mga balay-tipiganan ang nagabul-og nga katubigan.   Mahadlok unta kang Jehova silang tanan nga anaa sa yuta.+ Malisang unta kaniya ang tanang molupyo sa mabungahong yuta.+   Kay siya misulti, ug kini nahimo;+ Siya nagsugo, ug kini milungtad.+ 10  Gibungkag ni Jehova ang laraw sa mga nasod;+ Gipakyas niya ang mga hunahuna sa mga katawhan.+ 11  Ang laraw ni Jehova mobarog hangtod sa panahong walay tino;+ Ang mga hunahuna sa iyang kasingkasing maoy hangtod sa sunodsunod nga mga kaliwatan.+ 12  Malipayon ang nasod kansang Diyos mao si Jehova,+ Ang katawhan nga gipili niya ingon nga iyang panulondon.+ 13  Gikan sa kalangitan nagtan-aw si Jehova,+ Nakita niya ang tanang anak sa mga tawo.+ 14  Gikan sa pihong dapit nga iyang ginapuy-an+ Siya nagsud-ong sa tanang nagapuyo sa yuta. 15  Ginaumol niya sa tingob ang ilang mga kasingkasing;+ Ginapalandong niya ang tanan nilang mga buhat.+ 16  Walay hari nga naluwas pinaagi sa daghang kasundalohan;+ Ang usa ka tawong gamhanan dili maluwas pinaagi sa dakong gahom.+ 17  Ang kabayo usa ka limbong alang sa kaluwasan,+ Ug pinaagi sa dakong kusog niini dili kini makahatag ug kaikyasan.+ 18  Tan-awa! Ang mata ni Jehova gipunting kanilang nangahadlok kaniya,+ Kanilang nagahulat sa iyang mahigugmaong-kalulot,+ 19  Aron sa pagluwas sa ilang kalag gikan sa kamatayon,+ Ug aron sa pagtipig kanila nga buhi sa panahon sa gutom.+ 20  Ang among kalag nagpaabot kang Jehova.+ Siya mao ang among magtatabang ug ang among taming.+ 21  Kay kaniya ang among kasingkasing nagamaya;+ Kay sa iyang balaan nga ngalan kami nagsalig.+ 22  Mabatonan unta namo, Oh Jehova, ang imong mahigugmaong-kalulot,+ Samtang kami nagahulat kanimo.+

Mga Footnote