Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 30:1-12

Usa ka salmo. Usa ka awit sa inagurasyon sa balay.+ Iya ni David. 30  Pagabayawon ko ikaw, Oh Jehova, kay gisakwat mo ako+ Ug wala mo tugoti nga ang akong mga kaaway magmaya tungod kanako.+   Oh Jehova nga akong Diyos, mituaw ako kanimo alang sa tabang, ug giayo mo ako.+   Oh Jehova, ikaw naghaw-as sa akong kalag gikan sa Sheol;+ Ikaw nagtipig kanako nga buhi, aron dili ako makakanaog sa gahong.+   Magaawit kamo ug mga pagdayeg kang Jehova, Oh kamong mga maunongon kaniya,+ Magpasalamat kamo alang sa paghandom sa iyang pagkabalaan;+   Kay ang pagkanailalom sa iyang kasuko maoy daklit lamang,+ Ang pagkanailalom sa iyang maayong kabubut-on maoy sa tibuok kinabuhi.+ Sa kagabhion ang paghilak mahimong magpadayon,+ apan sa kabuntagon adunay hugyaw sa kalipay.+   Sa akong bahin, ako nag-ingon sa diha nga ako anaa sa kahayahay:+ “Dili gayod ako matarog.”+   Oh Jehova, sa imong maayong kabubut-on imong gipatindog ang akong bukid sa kalig-on.+ Imong gitago ang imong nawong; ako natugaw.+   Oh Jehova, ako nagpadayon sa pagtawag kanimo;+ Ug kang Jehova ako nagpadayon sa pagpangaliyupo alang sa kaluoy.+   Unsay kaayohan sa akong dugo sa diha nga manaog ako sa gahong?+ Modayeg ba kanimo ang abog?+ Mosaysay ba kini sa imong kamatinud-anon?+ 10  Oh Jehova, patalinghogi ug pakitai ako ug kaluoy.+ Oh Jehova, mahimo ka unta nga akong magtatabang.+ 11  Ang akong pagbangotan giilisan mo ug sayaw alang kanako;+ Gihukas mo ang akong sakong panapton nga besti, ug gibaksan mo ako sa pagmaya,+ 12  Aron ang akong himaya magaawit ug mga pagdayeg kanimo ug dili magpakahilom.+ Oh Jehova nga Diyos ko, pagadayegon ko ikaw hangtod sa panahong walay tino.+

Mga Footnote