Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 29:1-11

Usa ka salmo ni David. 29  Ihatag kang Jehova, Oh kamong mga anak sa mga kusganon, Ihatag kang Jehova ang himaya ug ang kusog.+   Ihatag kang Jehova ang himaya sa iyang ngalan.+ Yukbo kang Jehova uban ang balaang dayandayan.+   Ang tingog ni Jehova anaa sa ibabaw sa katubigan;+ Ang mahimayaon nga Diyos+ nagdalugdog.+ Si Jehova anaa ibabaw sa daghang katubigan.+   Ang tingog ni Jehova gamhanan;+ Ang tingog ni Jehova halangdon.+   Ang tingog ni Jehova nagabali sa mga sedro; Oo, si Jehova magdugmok sa mga sedro sa Lebanon,+   Ug siya magpaluksolukso kanila sama sa nating baka,+ Ang Lebanon ug ang Sirion+ sama sa mga anak sa ihalas nga mga torong baka.   Ang tingog ni Jehova nagatabas uban sa mga siga sa kalayo;+   Ang tingog ni Jehova magpalimbaglimbag sa kamingawan,+ Si Jehova magpalimbaglimbag sa kamingawan sa Kades.+   Ang tingog ni Jehova magpalimbaglimbag sa mga bayeng osa uban ang kasakit sa pagpanganak+ Ug magahukas sa kalasangan.+ Ug sa iyang templo ang matag usa nagaingon: “Himaya!”+ 10  Si Jehova naglingkod sa ibabaw sa lunop;+ Ug si Jehova nagalingkod ingon nga hari hangtod sa panahong walay tino.+ 11  Si Jehova magahatag gayod ug kusog sa iyang katawhan.+ Si Jehova magapanalangin sa iyang katawhan sa pakigdait.+

Mga Footnote