Laktaw ngadto sa video

Laktaw ngadto sa kaundan

Mga Saksi ni Jehova

Pagpilig pinulongan Cebuano

Salmo 28:1-9

Iya ni David. 28  Kanimo, Oh Jehova, ako nagpadayon sa pagtawag.+Oh Bato ko, ayaw pagpakabungol kanako,+Nga dili ka unta magpakahilom kanako+Ug dili ako mahimong sama niadtong nanganaog sa gahong.+   Patalinghogi ang tingog sa akong mga pangaliyupo sa diha nga ako motuaw kanimo alang sa tabang,Sa diha nga bayawon ko ang akong mga kamot+ paingon sa kinasulorang lawak sa imong balaang dapit.+   Ayaw ako ibutang kauban sa mga tawong daotan ug sa mga mamumuhat sa butang nga makadaot,+Sa mga nagasulti ug pakigdait sa ilang mga kauban+ apan ang anaa sa ilang mga kasingkasing mao ang daotan.+   Ihatag kanila ang sumala sa ilang paglihok+Ug sumala sa pagkadaotan sa ilang mga buhat.+Ihatag mo kanila ang sumala sa buhat sa ilang mga kamot.+Balosi sila sa ilang ginabuhat.+   Kay wala sila magtagad sa mga buhat ni Jehova,+Ni sa buhat sa iyang mga kamot.+Iyang bungkagon sila ug dili sila tukoron.   Dalayegon si Jehova, kay siya nagpatalinghog sa tingog sa akong mga pangaliyupo.+   Si Jehova mao ang akong kusog+ ug akong taming.+Kaniya misalig ang akong kasingkasing,+Ug gitabangan ako, mao nga ang akong kasingkasing nagasadya,+Ug pinaagi sa akong awit pagadayegon ko siya.+   Si Jehova maoy kusog sa iyang katawhan,+Ug siya maoy salipdanan sa dakong kaluwasan sa iyang dinihogan.+   Luwasa ang imong katawhan, ug panalangini ang imong panulondon;+Ug bantayi sila ug sapnaya sila hangtod sa panahong walay tino.+

Mga Footnote