Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 27:1-14

Iya ni David. 27  Si Jehova mao ang akong kahayag+ ug ang akong kaluwasan.+ Kinsa man ang akong kahadlokan?+ Si Jehova mao ang salipdanan sa akong kinabuhi.+ Kinsa man ang akong kalisangan?+   Sa dihang ang mga mamumuhat ug daotan miduol batok kanako aron sa pagkaon sa akong unod,+ Kay sila akong mga kontra ug akong mga kaaway,+ Sila nangapandol ug nangapukan.+   Bisan pag ang mga nagkampo magpatindog ug tolda batok kanako,+ Ang akong kasingkasing dili mahadlok.+ Bisan pag ang gubat patindogon batok kanako,+ Bisan pa niana ako magmasaligon.+   Usa ka butang ang gipangayo ko kang Jehova+ Kini ang akong pagapangitaon,+ Nga makapuyo ako sa balay ni Jehova sa tanang adlaw sa akong kinabuhi,+ Aron sa pagtan-aw sa pagkakahimut-anan ni Jehova+ Ug sa pagtan-aw nga mapabilhon sa iyang templo.+   Kay pagatagoan niya ako sa iyang tagoanan sa adlaw sa katalagman;+ Pagatagoan niya ako sa tagong dapit sa iyang tolda;+ Ibutang niya ako sa itaas sa usa ka bato.+   Ug karon ang akong ulo mapataas ibabaw sa akong mga kaaway nga naglibot kanako;+ Ug magahalad ako diha sa iyang tolda ug mga halad sa hugyaw sa kalipay;+ Magaawit ako ug magaawit ug mga pagdayeg kang Jehova.+   Magpatalinghog ka, Oh Jehova, sa dihang ako motawag pinaagi sa akong tingog,+ Ug pakitai ako ug kaluoy ug tubaga ako.+   Mahitungod kanimo ang akong kasingkasing nag-ingon: “Pangitaa ninyo ang akong nawong.”+ Ang imong nawong, Oh Jehova, akong pangitaon.+   Ayaw itago ang imong nawong gikan kanako.+ Ayaw isalikway ang imong alagad tungod sa kasuko.+ Ikaw mahimo unta nga akong panabang.+ Ayaw ako pasagdi ug ayaw ako biyai, Oh akong Diyos sa kaluwasan.+ 10  Kon ugaling biyaan ako sa akong amahan ug sa akong inahan,+ Si Jehova mismo magsagop kanako.+ 11  Tudloi ako sa imong dalan, Oh Jehova,+ Ug tultoli ako sa alagianan sa katul-id tungod sa akong mga kaaway. 12  Ayaw ako itugyan ngadto sa kalag sa akong mga kaaway;+ Kay ang bakakon nga mga saksi nanindog batok kanako,+ Ug siya nga nagsabwag ug kapintasan.+ 13  Kon wala pa akoy pagtuo nga makakita sa pagkamaayo ni Jehova sa yuta sa mga buhi+—! 14  Laom kang Jehova;+ magmaisogon ka ug lig-ona ang imong kasingkasing.+ Oo, laom kang Jehova.+

Mga Footnote