Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 26:1-12

Iya ni David. 26  Hukmi ako,+ Oh Jehova, kay ako naglakaw sa akong integridad,+ Ug kang Jehova ako misalig, aron ako dili matarog.+   Susiha ako, Oh Jehova, ug sulayi ako;+ Dalisaya ang akong mga rinyon ug ang akong kasingkasing.+   Kay ang imong mahigugmaong-kalulot anaa sa atubangan sa akong mga mata, Ug ako naglakaw sa imong kamatuoran.+   Wala ako molingkod uban sa mga tawo sa kabakakan;+ Ug dili ako mosulod uban niadtong magpakaaron-ingnon.+   Gidumtan ko ang katilingban sa mga mamumuhat sa daotan,+ Ug dili ako molingkod uban sa mga daotan.+   Ako manghunaw sa akong mga kamot sa pagkainosente,+ Ug ako molakaw libot sa imong halaran, Oh Jehova,+   Aron ikapabati ko sa makusog ang pagpasalamat,+ Ug aron ikapahayag ang tanan mong katingalahang mga buhat.+   Jehova, nahigugma ako sa puloy-anan sa imong balay+ Ug sa dapit nga ginapuy-an sa imong himaya.+   Ayaw kuhaa ang akong kalag duyog sa mga makasasala,+ Ni ang akong kinabuhi duyog sa mga tawo nga sad-an sa dugo,+ 10  Kansang mga kamot anaa ang malaw-ayng panggawi,+ Ug kansang tuong kamot puno sa panghiphip.+ 11  Alang kanako, ako magalakaw sa akong integridad.+ Oh tubsa ako+ ug pakitai ako ug kaluoy.+ 12  Ang akong tiil magatindog gayod sa patag nga dapit;+ Taliwala sa mga nagkatigom nga panon magadayeg ako kang Jehova.+

Mga Footnote