Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 19:1-14

Ngadto sa direktor. Salmo ni David. 19  Ang kalangitan nagapahayag sa himaya sa Diyos;+ Ug ang kawanangan nagasaysay sa buhat sa iyang mga kamot.+   Ang matag adlaw nagapahayag ug mga pulong,+ Ug ang matag gabii nagapadayag ug kahibalo.+   Walay gisulti, ug walay mga pulong; Ang ilang tingog dili madungog.+   Sa tibuok nga yuta ang ilang pising igsusukod nakaabot,+ Ug sa kinatumyan sa mabungahong yuta ang ilang mga pulong.+ Gipatindog niya diha kanila ang usa ka tolda alang sa adlaw,+   Ug kini sama sa usa ka kinasal nga lalaki sa dihang mogula gikan sa iyang lawak sa kasal;+ Kini magmaya ingon sa usa ka tawong gamhanan nga nagadagan sa usa ka dalaganan.+   Gikan sa usa ka kinatumyan sa kalangitan mogula kini, Ug ang kataposang sangkoan sa paglibot niini maoy sa lain pang mga kinatumyan niini;+ Ug walay bisan unsa nga natago gikan sa kainit niini.+   Ang balaod+ ni Jehova hingpit,+ nga nagapahiuli sa kalag.+ Ang pahinumdom+ ni Jehova kasaligan,+ nga nagahimo nga maalamon sa walay kasinatian.+   Ang mga sugo+ ni Jehova matul-id,+ nga makapalipay sa kasingkasing;+ Ang kasugoan+ ni Jehova hinlo,+ nga nagapadan-ag sa mga mata.+   Ang kahadlok+ kang Jehova lunsay, nga magpadayon hangtod sa kahangtoran. Ang hudisyal nga mga hukom+ ni Jehova matuod;+ sila lunlon matarong.+ 10  Sila tilinguhaon pa kay sa bulawan, oo, labi pa kay sa dinalisay nga bulawan;+ Ug matam-is pa kay sa dugos+ ug sa nagatulo nga dugos sa udlan.+ 11  Labot pa, pinaagi kanila ang imong alagad gipasidan-an;+ Sa pagtuman kanila adunay dakong ganti.+ 12  Kasaypanan—kinsay makaila?+ Gikan sa tinagong mga sala ako ipahayag nga inosente.+ 13  Gikan usab sa mapangahasong mga buhat pugngi ang imong alagad;+ Ayaw itugot nga sila magagahom kanako.+ Sa ingon mabug-os ako,+ Ug ako makapabiling inosente gikan sa daghang kalapasan. 14  Hinaot nga ang mga pulong sa akong baba ug ang pagpamalandong sa akong kasingkasing+ Mahimong kahimut-anan sa imong atubangan, Oh Jehova nga Bato+ ko ug Manunubos+ ko.

Mga Footnote