Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 17:1-15

Usa ka pag-ampo ni David. 17  Patalinghogi ang butang nga matarong, Oh Jehova; pamatia ang akong mapangaliyupoong pagtuaw;+ Patalinghogi ang akong pag-ampo nga wala ibungat sa mga ngabil nga malimbongon.+   Mogula unta ang akong hukom gikan sa imong atubangan;+ Makakita unta ang imong mga mata sa katul-id.+   Ikaw nag-usisa sa akong kasingkasing, ikaw nagsusi panahon sa kagabhion,+ Ikaw nagdalisay kanako; hikaplagan mo nga wala ako maglaraw ug daotan.+ Ang akong baba dili makasala.+   Kon bahin sa kalihokan sa mga tawo, Pinaagi sa pulong sa imong mga ngabil nagbantay ako batok sa mga agianan sa tulisan.+   Magsubay unta ang akong mga lakang sa imong mga alagianan,+ Diin ang akong mga tiil dili matipas.+   Ako motawag kanimo, kay ikaw motubag kanako, Oh Diyos.+ Ikiling ang imong igdulungog kanako. Patalinghogi ang akong pulong.+   Himoang katingalahan ang imong mga buhat sa mahigugmaong-kalulot,+ Oh Manluluwas niadtong nagapangitag dangpanan Gikan sa mga mag-aalsa batok sa imong tuong kamot.+   Bantayi ako ingon sa tawotawo sa kalimutaw,+ Tagoan mo unta ako sa landong sa imong mga pako,+   Tungod sa mga daotan nga nangagaw kanako. Ang mga kaaway sa akong kalag nagalibot kanako.+ 10  Giputos nila ang ilang kaugalingon sa ilang tambok;+ Pinaagi sa ilang baba sila nagasulti nga mapahitas-on;+ 11  Kon mahitungod sa among mga lakang, sila naglibot kanamo karon;+ Gitutok nila ang ilang mga mata aron ipaubos kami sa yuta.+ 12  Siya sama sa usa ka leyon nga gihidlaw sa pagkuniskunis+ Ug sama sa usa ka nating leyon nga naghupo sa tago nga mga dapit. 13  Tindog, Oh Jehova; pakigharong kaniya;+ Patikuboa siya; pinaagi sa imong espada+ tagan-ig kaikyasan ang akong kalag gikan sa daotan, 14  Gikan sa mga tawo, pinaagi sa imong kamot, Oh Jehova,+ Gikan sa mga tawo niini nga sistema+ sa mga butang, kansang bahin ania niining kinabuhia,+ Ug kansang tiyan imong gibusog sa imong tinagong bahandi,+ Nga nabusog sa mga anak+ Ug nga magtagana alang sa ilang mga anak sa butang nga ilang ibilin.+ 15  Kon bahin kanako, ako magatan-aw sa imong nawong diha sa pagkamatarong;+ Ako matagbaw sa diha nga mahigmata ako nga makakita sa imong dagway.+

Mga Footnote