Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 148:1-14

148  Dayega ninyo si Jah!+ Dayega ninyo si Jehova gikan sa kalangitan,+ Dayega ninyo siya diha sa mga kahitas-an.+   Dayega ninyo siya, kamong tanan niyang mga manulonda.+ Dayega ninyo siya, kamong tanan niyang panon.+   Dayega ninyo siya, adlaw ug bulan.+ Dayega ninyo siya, kamong tanang kabituonan sa kahayag.+   Dayega ninyo siya, kamong mga langit sa kalangitan,+ Ug kamong katubigan nga anaa ibabaw sa kalangitan.+   Ipadayeg kanila ang ngalan ni Jehova;+ Kay siya nagsugo, ug nalalang sila.+   Ug siya nagapabarog kanila hangtod sa kahangtoran, hangtod sa panahong walay tino.+ Siya naghatag ug usa ka regulasyon, ug dili kini mahanaw.+   Dayega ninyo si Jehova gikan sa yuta,+ Kamong dagkong mga linalang sa dagat ug kamong tanang halawom nga katubigan,+   Kamong kalayo ug ulan nga yelo, niyebe ug mabagang aso,+ Ikaw nga unos, nga nagatuman sa iyang pulong,+   Kamong kabukiran ug kamong tanang kabungtoran,+ Kamong mga bungahoy ug kamong tanang sedro,+ 10  Kamong ihalas nga kahayopan ug kamong anad nga kahayopan,+ Kamong nagakamang nga mga linalang ug pak-an nga kalanggaman,+ 11  Kamong mga hari sa yuta+ ug kamong tanang nasodnong pundok, Kamong mga prinsipe+ ug kamong tanang maghuhukom sa yuta,+ 12  Kamong mga batan-ong+ lalaki ug kamong mga ulay+ usab, Kamong mga tigulang nga lalaki+ uban sa mga batang lalaki.+ 13  Padayega sila sa ngalan ni Jehova,+ Kay ang iyang ngalan lamang maoy hataas uyamot.+ Ang iyang dignidad maoy labaw pa sa yuta ug sa langit.+ 14  Ug pagabayawon niya ang sungay sa iyang katawhan,+ Ang pagdayeg sa tanang maunongon kaniya,+ Sa mga anak sa Israel, ang katawhan nga haduol kaniya.+ Dayega ninyo si Jah!+

Mga Footnote