Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 146:1-10

146  Dayega ninyo si Jah!+ Dayega si Jehova, Oh kalag ko.+   Pagadayegon ko si Jehova sa tibuok kong kinabuhi.+ Magaawit ako ug mga pagdayeg sa akong Diyos samtang ako buhi pa.+   Ayaw ibutang ang inyong pagsalig sa mga hamili,+ Ni sa anak sa yutan-ong tawo, nga kaniya walay kaluwasan.+   Mogula ang iyang espiritu,+ mobalik siya sa iyang yuta;+ Nianang adlawa mahanaw ang iyang mga hunahuna.+   Malipayon siya nga ang Diyos ni Jacob maoy iyang panabang,+ Kansang paglaom anaa kang Jehova nga iyang Diyos,+   Ang Magbubuhat sa langit ug sa yuta,+ Sa dagat, ug sa tanan nga anaa niana,+ Ang Usa nga nagatuman sa kamatinud-anon hangtod sa panahong walay tino,+   Ang Usa nga nagapahamtang ug paghukom alang sa mga gitikasan,+ Ang Usa nga nagahatag ug tinapay sa mga gigutom.+ Si Jehova nagapagawas sa mga ginapos.+   Si Jehova nagapabuka sa mga mata sa mga buta;+ Si Jehova nagabangon sa mga naumod;+ Si Jehova nahigugma sa mga matarong.+   Si Jehova nagabantay sa mga langyaw nga pumoluyo;+ Siya magahatag ug kahupayan sa batang ilo-sa-amahan ug sa babayeng balo,+ Apan siya magabaliko sa dalan+ sa mga daotan.+ 10  Si Jehova magahari hangtod sa panahong walay tino,+ Ang imong Diyos, Oh Zion, hangtod sa sunodsunod nga mga kaliwatan.+ Dayega ninyo si Jah!+

Mga Footnote