Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 145:1-21

Usa ka pagdayeg, ni David. א [ʼAʹleph] 145  Pagabayawon ko ikaw, Oh akong Diyos nga Hari,+ Ug pagadayegon ko ang imong ngalan hangtod sa panahong walay tino, bisan hangtod sa kahangtoran.+ ב [Behth]   Sa tibuok nga adlaw pagadayegon ko ikaw,+ Ug pagadayegon ko ang imong ngalan hangtod sa panahong walay tino, bisan hangtod sa kahangtoran.+ ג [Giʹmel]   Si Jehova dako ug takos gayod nga pagadayegon,+ Ug ang iyang pagkadako dili matukib.+ ד [Daʹleth]   Pagadayegon ang imong mga buhat sa sunodsunod nga mga kaliwatan,+ Ug mosugid sila bahin sa imong gamhanang mga buhat.+ ה [Heʼ]   Ang mahimayaong kahalangdon sa imong dignidad+ Ug ang mga butang bahin sa imong katingalahang mga buhat akong palandongon.+ ו [Waw]   Ug pagahisgotan nila ang kusog sa imong makalilisang nga mga butang;+ Ug ang imong pagkadako, kini akong igapahayag.+ ז [Zaʹyin]   Sa paghisgot sa madagayaon nimong pagkamaayo sila madasigong magaasoy,+ Ug tungod sa imong pagkamatarong sila magahugyaw sa kalipay.+ ח [Chehth]   Si Jehova mapuangoron ug maluluy-on,+ Mahinay sa pagkasuko ug dako sa mahigugmaong-kalulot.+ ט [Tehth]   Si Jehova maayo sa tanan,+ Ug ang iyang mga kaluoy anaa sa ibabaw sa tanan niyang mga buhat.+ י [Yohdh] 10  Ang tanan nimong mga buhat magadayeg kanimo, Oh Jehova,+ Ug ang mga maunongon kanimo magadayeg kanimo.+ כ [Kaph] 11  Sila magahisgot mahitungod sa himaya sa imong pagkahari,+ Ug sila magasulti mahitungod sa imong pagkagamhanan,+ ל [Laʹmedh] 12  Aron ipahibalo ang iyang gamhanang mga buhat+ ngadto sa mga anak sa mga tawo Ug ang himaya sa kahalangdon sa iyang pagkahari.+ מ [Mem] 13  Ang imong pagkahari maoy pagkahari hangtod sa tanang panahong walay tino,+ Ug ang imong dominyo maoy sa tanang sunodsunod nga mga kaliwatan.+ ס [Saʹmekh] 14  Si Jehova nagasapnay sa tanan nga napukan,+ Ug nagabangon sa tanan nga naumod.+ ע [ʽAʹyin] 15  Ang tanang mata nagalantaw nga malaomon kanimo,+ Ug ginahatag mo kanila ang ilang pagkaon sa gitakdang panahon niini.+ פ [Peʼ] 16  Imong ginabukhad ang imong kamot+ Ug ginatagbaw ang tinguha sa tanang buhing butang.+ צ [Tsa·dhehʹ] 17  Si Jehova matarong sa tanan niyang mga paagi+ Ug maunongon sa tanan niyang mga buhat.+ ק [Qohph] 18  Si Jehova haduol kanilang tanan nga nagatawag kaniya,+ Kanilang tanan nga nagatawag kaniya sa kamatinud-anon.+ ר [Rehsh] 19  Pagatumanon niya ang tinguha niadtong nahadlok kaniya,+ Ug ang ilang pagtuaw alang sa tabang iyang pagadunggon, ug siya magaluwas kanila.+ ש [Shin] 20  Si Jehova nagabantay sa tanang nahigugma kaniya,+ Apan iyang pagalaglagon ang tanang daotan.+ ת [Taw] 21  Ang akong baba magasulti sa pagdayeg kang Jehova;+ Ug ipadayeg sa tanang unod ang iyang balaan nga ngalan hangtod sa panahong walay tino, bisan hangtod sa kahangtoran.+

Mga Footnote