Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 143:1-12

Usa ka salmo ni David. 143  Oh Jehova, dungga ang akong pag-ampo;+ Pamatia ang akong pangaliyupo.+ Sa imong pagkamatinumanon tubaga ako sa imong pagkamatarong.+   Ug ayaw hukmi ang imong alagad;+ Kay sa imong atubangan walay bisan kinsang buhi nga matarong.+   Kay ang akong kalag gigukod sa kaaway;+ Iyang gidugmok ang akong kinabuhi ngadto sa yuta.+ Iyang gipapuyo ako sa mangitngit nga mga dapit sama niadtong mga patay sulod sa panahong walay tino.+   Ug ang akong espiritu+ naluya sa sulod nako; Sa sulod nako ang akong kasingkasing naminhod.+   Ako nahinumdom sa kanhing mga adlaw;+ Ako nagpalandong sa tanan mong kalihokan;+ Kinabubut-on kong gihunahuna kanunay ang mga buhat sa imong mga kamot.+   Gibayaw ko ang akong mga kamot kanimo;+ Ang akong kalag nahisama sa umaw nga yuta nga giuhaw kanimo.+ Seʹlah.   Oh pagdali, tubaga ako, Oh Jehova.+ Ang akong espiritu midangat sa kataposan.+ Ayaw itago ang imong nawong gikan kanako,+ Aron dili ako mahisama niadtong nanganaog ngadto sa gahong.+   Sa buntag ipadungog kanako ang imong mahigugmaong-kalulot,+ Kay kanimo gibutang ko ang akong pagsalig.+ Ipahibalo kanako ang dalan nga akong pagalaktan,+ Kay kanimo gibayaw ko ang akong kalag.+   Luwasa ako gikan sa akong mga kaaway, Oh Jehova.+ Ako nagpasalipod kanimo.+ 10  Tudloi ako sa pagbuhat sa imong kabubut-on,+ Kay ikaw mao ang akong Diyos.+ Ang imong espiritu maayo;+ Tultolan unta ako niini diha sa yuta sa katul-iran.+ 11  Tungod sa imong ngalan,+ Oh Jehova, tipigan mo unta ako nga buhi.+ Sa imong pagkamatarong+ pagawason mo unta ang akong kalag gikan sa kasakitan.+ 12  Ug sa imong mahigugmaong-kalulot pahilomon mo unta ang akong mga kaaway;+ Ug pagalaglagon mo silang tanan nga nagapakitag pagkamabatokon sa akong kalag,+ Kay ako mao ang imong alagad.+

Mga Footnote