Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 139:1-24

Alang sa direktor. Iya ni David. Usa ka salmo. 139  Oh Jehova, ikaw nakasusi kanako, ug ikaw nakaila kanako.+   Ikaw nahibalo sa akong paglingkod ug sa akong pagtindog.+ Gitagad mo ang akong hunahuna gikan sa halayo.+   Ang akong pagpanaw ug ang akong paghigda imong nasusi,+ Ug ikaw nasinati sa tanan kong mga dalan.+   Kay walay mausa ka pulong sa akong dila,+ Apan, tan-awa! Oh Jehova, ikaw nahibalo na niining tanan.+   Sa luyo ug sa atubangan, gilibotan mo ako; Ug ang imong kamot gitapion mo kanako.   Kanang maong kahibalo katingalahan kaayo alang kanako.+ Hataas kaayo kini nga dili ko arang makab-ot.+   Asa man ako paingon gikan sa imong espiritu,+ Ug asa man ako mokalagiw gikan sa imong atubangan?+   Kon ako mosaka sa langit, ikaw atua didto;+ Ug kon ibuklad ko ang akong higdaanan sa Sheol, tan-awa! ikaw atua didto.+   Kon kuhaon ko ang mga pako+ sa kaadlawon, Aron makapuyo ako sa kinalay-ang dagat,+ 10  Didto, usab, agakon ako sa imong kamot+ Ug ang imong tuong kamot magagunit kanako.+ 11  Ug kon ako moingon: “Tino nga motikyop dayon kanako ang kangitngitan!”+ Nan ang gabii mahimong kahayag libot kanako.+ 12  Bisan ang kangitngit dili mahimong tuman ka ngitngit alang kanimo,+ Apan ang gabii modan-ag ingon sa adlaw;+ Ang kangitngit mahimong sama ra gayod sa kahayag.+ 13  Kay ikaw mao ang nagbuhat sa akong mga rinyon;+ Gisalipdan mo ako sa sulod sa tiyan sa akong inahan.+ 14  Pagadayegon ko ikaw tungod kay sa makalilisang nga paagi ako katingalahan nga pagkabuhat.+ Ang imong mga buhat katingalahan,+ Ingon sa nasayran pag-ayo sa akong kalag.+ 15  Ang akong mga bukog wala matago gikan kanimo+ Sa dihang ako gibuhat sa tago,+ Sa dihang ako gitagik sa kinaubsang mga dapit+ sa yuta. 16  Ang imong mga mata nakakita bisan sa binhi pa ako sa tagoangkan,+ Ug ang tanan nga bahin niini nahisulat diha sa imong basahon, Mahitungod sa mga adlaw sa dihang kini sila naumol+ Ug wala pay usa kanila. 17  Busa, alang kanako pagkabililhon uyamot sa imong mga hunahuna!+ Oh Diyos, pagkadako gayod sa ilang katibuk-ang gidaghanon!+ 18  Kon iphon ko sila, mas daghan pa sila kay sa balas.+ Ako nahigmata, apan ako anaa gihapon uban kanimo.+ 19  Oh Diyos, patyon mo unta ang daotan!+ Unya ang mga tawong sad-an sa dugo+ mopahilayo gayod gikan kanako, 20  Nga nagasultig mga butang mahitungod kanimo sumala sa ilang hunahuna;+ Gigamit nila ang imong ngalan sa walay kapuslanan+—sa imong mga kaaway.+ 21  Dili ba gidumtan ko ang mga nagdumot pag-ayo kanimo, Oh Jehova,+ Ug dili ba gibati ko ang kaluod sa mga nagasukol kanimo?+ 22  Gidumtan ko sila uban sa bug-os nga pagdumot.+ Sila nahimong tinuod ko nga mga kaaway.+ 23  Oh Diyos, susiha ako, ug hibaloi ang akong kasingkasing.+ Susiha ako, ug hibaloi ang akong makapatugaw nga mga hunahuna,+ 24  Ug tan-awa kon aduna bay masakit nga dalan diha kanako,+ Ug tultoli ako sa dalan+ nga hangtod sa panahong walay tino.

Mga Footnote