Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 137:1-9

137  Sa daplin sa mga suba sa Babilonya+—didto kami nanglingkod.+ Kami nanghilak usab sa dihang nahinumdom kami sa Zion.+   Sa mga kahoyng alamo+ sa taliwala niya Gibitay namo ang among mga alpa.+   Kay kadtong nagbihag kanamo didto nangayo kanamog mga pulong sa usa ka awit,+ Ug kadtong nagyagayaga kanamo—sa paglipay:+ “Awiti kami ug usa sa mga awit sa Zion.”+   Unsaon namo pag-awit sa awit ni Jehova+ Diha sa langyaw nga yuta?+   Kon kalimtan ko ikaw, Oh Jerusalem,+ Magmalimtanon unta ang akong tuong kamot.   Papilita ang akong dila sa akong alingagngag,+ Kon ako dili mahinumdom kanimo,+ Kon dili ko igapataas ang Jerusalem Labaw sa pangunang hinungdan sa akong pagmaya.+   Hinumdomi,+ Oh Jehova, may kalabotan sa mga anak sa Edom+ ang adlaw sa Jerusalem,+ Nga nag-ingon: “Himoang dayag! Himoang dayag hangtod sa patukoranan sa sulod niini!”+   Oh anak nga babaye sa Babilonya, nga pagalaglagon,+ Malipayon siya nga magabalos kanimo+ Tungod sa imo mismong buhat nga imong gihimo kanamo.+   Malipayon siya nga magahawid ug magadugmok+ Sa imong mga anak sa dakong bato.

Mga Footnote