Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 135:1-21

135  Dayega ninyo si Jah!+ Dayega ang ngalan ni Jehova,+ Ihatag ang pagdayeg, Oh mga alagad ni Jehova,+   Kamo nga nagabarog sa balay ni Jehova,+ Diha sa mga sawang sa balay sa atong Diyos.+   Dayega ninyo si Jah, kay si Jehova maayo.+ Magaawit kamo ug mga pagdayeg sa iyang ngalan, kay kini makalilipay.+   Kay si Jah nagpili kang Jacob alang sa iyang kaugalingon,+ Kang Israel ingon nga iyang linaing katigayonan.+   Kay ako nahibalo pag-ayo nga si Jehova dako,+ Ug ang atong Ginoo labaw kay sa tanang uban nga mga diyos.+   Ang tanang butang nga gikahimut-an ni Jehova sa pagbuhat iyang gibuhat+ Sa kalangitan ug sa yuta, sa kadagatan ug sa tanang halawom nga katubigan.+   Siya nagapakayab sa mga alisngaw gikan sa kinatumyan sa yuta;+ Siya naghimo gani ug mga ganghaan sa ulan;+ Siya nagapagula sa hangin gikan sa iyang mga balay-tipiganan,+   Siya nga mipatay sa mga panganay sa Ehipto,+ Mga tawo ug hayop.+   Siya nagpadala ug mga ilhanan ug mga milagro sa imong taliwala, Oh Ehipto,+ Batok kang Paraon ug sa tanan niyang mga alagad;+ 10  Siya nga naglaglag sa daghang kanasoran+ Ug mipatay sa gamhanang mga hari,+ 11  Kang Sihon nga hari sa mga Amorihanon+ Ug kang Og nga hari sa Basan+ Ug sa tanang gingharian sa Canaan,+ 12  Ug kinsa naghatag sa ilang yuta ingon nga panulondon,+ Usa ka panulondon alang sa Israel nga iyang katawhan.+ 13  Oh Jehova, ang imong ngalan maoy hangtod sa panahong walay tino.+ Oh Jehova, ang paghandom kanimo maoy hangtod sa sunodsunod nga mga kaliwatan.+ 14  Kay si Jehova magalaban sa kawsa sa iyang katawhan,+ Ug siya mobatig pagbasol tungod sa iyang mga alagad.+ 15  Ang mga idolo sa kanasoran maoy plata ug bulawan,+ Ang binuhat sa mga kamot sa yutan-ong tawo.+ 16  Sila adunay baba, apan dili sila makasulti;+ Sila adunay mga mata, apan dili sila makakita;+ 17  Sila adunay mga igdulungog, apan dili sila makadungog.+ Walay espiritu usab sa ilang baba.+ 18  Ang mga nagabuhat kanila mahisama gayod kanila,+ Ang tagsatagsa nga nagasalig kanila.+ 19  Oh balay sa Israel, dayega ninyo si Jehova.+ Oh balay ni Aaron, dayega ninyo si Jehova.+ 20  Oh balay ni Levi, dayega ninyo si Jehova.+ Kamong nahadlok kang Jehova, dayega ninyo si Jehova.+ 21  Dalayegon si Jehova gikan sa Zion,+ Nga nagapuyo sa Jerusalem.+ Dayega ninyo si Jah!+

Mga Footnote