Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Salmo 115:1-18

115  Walay alang kanamo, Oh Jehova, walay alang kanamo,+Kondili sa imong ngalan ihatag ang himaya+Sumala sa imong mahigugmaong-kalulot, sumala sa imong kamatinud-anon.+   Ngano ba nga moingon ang mga nasod:+“Hain man karon ang ilang Diyos?”+   Apan ang among Diyos anaa sa kalangitan;+Ang tanang butang nga gikahimut-an niyang buhaton iyang gibuhat.+   Ang ilang mga idolo maoy plata ug bulawan,+Binuhat sa mga kamot sa yutan-ong tawo.+   Sila adunay baba, apan sila dili makasulti;+Sila adunay mga mata, apan sila dili makakita;+   Sila adunay mga igdulungog, apan sila dili makadungog.+Sila adunay ilong, apan sila dili makapanimaho.+   Sila adunay mga kamot, apan sila dili makahikap.+Sila adunay mga tiil, apan sila dili makalakaw;+Sila dili makatingog pinaagi sa ilang tutonlan.+   Ang mga nagabuhat kanila mahisama gayod kanila,+Ang tanan nga nagasalig kanila.+   Oh Israel, salig kang Jehova;+Siya mao ang ilang tabang ug ang ilang taming.+ 10  Oh balay ni Aaron, salig kamo kang Jehova;+Siya mao ang ilang tabang ug ang ilang taming.+ 11  Kamo nga nahadlok kang Jehova, salig kang Jehova;+Siya mao ang ilang tabang ug ang ilang taming.+ 12  Si Jehova nahinumdom kanato; siya magapanalangin,+Siya magapanalangin sa balay sa Israel,+Siya magapanalangin sa balay ni Aaron.+ 13  Siya magapanalangin kanila nga nahadlok kang Jehova,+Sa mga gagmay ug sa mga dagko.+ 14  Padaghanon kamo ni Jehova,+Kamo ug ang inyong mga anak.+ 15  Kamo ang gipanalanginan ni Jehova,+Ang Magbubuhat sa langit ug sa yuta.+ 16  Kon bahin sa mga langit, iya ni Jehova ang mga langit,+Apan ang yuta iyang gihatag sa mga anak sa mga tawo.+ 17  Ang mga patay dili magadayeg kang Jah,+Ni si bisan kinsa nga manaog ngadto sa kahilom.+ 18  Apan pagadayegon nato si Jah+Sukad karon hangtod sa panahong walay tino.+Dayega ninyo si Jah!+

Mga Footnote