Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 108:1-13

Usa ka awit. Usa ka salmo ni David. 108  Oh Diyos, malig-on ang akong kasingkasing.+ Magaawit ako ug magaawit ug mga pagdayeg,+ Ingon man ang akong himaya.+   Pagmata, Oh kinuldasang tulonggon; ikaw usab, Oh alpa.+ Pukawon ko ang kaadlawon.+   Pagadayegon ko ikaw taliwala sa mga katawhan, Oh Jehova;+ Ug magaawit ako ug mga pagdayeg kanimo taliwala sa nasodnong mga pundok.+   Kay ang imong mahigugmaong-kalulot dako sangko sa mga langit,+ Ug ang imong kamatinud-anon abot sa kalangitan.+   Oh nga mabayaw ka unta ibabaw sa mga langit, Oh Diyos;+ Ug ang imong himaya magpaibabaw unta sa tibuok nga yuta.+   Aron ang imong mga hinigugma pagaluwason,+ Oh luwasa pinaagi sa imong tuong kamot ug tubaga ako.+   Ang Diyos nagsulti diha sa iyang pagkabalaan:+ “Magsadya ako, ihatag ko ingon nga usa ka bahin+ ang Sekem;+ Ug pagasukdon ko ang ubos nga patag sa Sucot.+   Akoa ang Gilead;+ akoa ang Manases;+ Ug ang Epraim mao ang kuta sa akong pangulo;+ Ang Juda mao ang sungkod sa akong komandante.+   Ang Moab+ mao ang akong dulang nga hugasanan.+ Sa Edom+ ilabay ko ang akong sandalyas.+ Sa Pilistia+ mosinggit ako sa kadaogan.”+ 10  Kinsa ang modala kanako ngadto sa kinutaang siyudad?+ Kinsa ang motultol kanako hangtod sa Edom?+ 11  Dili ba ikaw, Oh Diyos, nga nagsalikway kanamo+ Ug dili mouban ingon nga Diyos sa among kasundalohan?+ 12  Tabangi kami gikan sa kasakitan,+ Sanglit ang kaluwasan nga gikan sa yutan-ong tawo walay-kapuslanan.+ 13  Pinaagi sa Diyos makabaton kami ug kusog,+ Ug iyang pagatamaktamakan ang among mga kaaway.+

Mga Footnote