Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 102:1-28

Usa ka pag-ampo sa sinakit kon siya maluyahon ug ipahungaw niya ang iyang kabalaka sa atubangan ni Jehova.+ 102  Oh Jehova, patalinghogi ang akong pag-ampo;+ Ug makadangat unta kanimo ang akong pagtuaw alang sa tabang.+   Ayaw itago ang imong nawong gikan kanako sa adlaw nga anaa ako sa kalisdanan.+ Ikiling kanako ang imong igdulungog;+ Sa adlaw nga motawag ako, pagdali, tubaga ako.+   Kay ang akong mga adlaw nahanaw na sama sa aso,+ Ug ang akong mga bukog nagbaga sama gayod sa dapog.+   Ang akong kasingkasing gihagbas sama gayod sa katanoman ug nalaya,+ Kay nakalimot ako sa pagkaon sa akong kalan-on.+   Tungod sa tingog sa akong pagpanghupaw+ Ang akong mga bukog mitapot sa akong unod.+   Ako maoy sama sa pelikano sa kamingawan.+ Ako nahisama sa gamayng ngiwngiw sa awaaw nga mga dapit.   Nagniwang ako, Ug ako nahisama sa usa ka langgam nga nag-inusara sa ibabaw sa atop.+   Ang akong mga kaaway nagpakaulaw kanako sa tibuok nga adlaw.+ Kadtong nagabinuang kanako nanumpa pa sa akong ngalan.+   Kay nagkaon ako ug abo sama gayod sa tinapay;+ Ug akong gisagol ang akong giinom uban sa paghilak,+ 10  Tungod sa imong mahukmanong pagsaway ug sa imong kasuko;+ Kay ikaw nag-alsa kanako, aron isalibay mo ako.+ 11  Ang akong mga adlaw maoy sama sa usa ka landong nga nagalingay,+ Ug ako nalaya ingon sa mga tanom.+ 12  Kon bahin kanimo, Oh Jehova, ikaw magapabilin hangtod sa panahong walay tino,+ Ug ang paghandom kanimo maoy sa sunodsunod nga mga kaliwatan.+ 13  Ikaw motindog, ikaw maluoy sa Zion,+ Kay kini mao ang panahon sa pagpakita kaniya ug kaluoy, Kay ang tinudlong panahon miabot na.+ 14  Kay gikahimut-an sa imong mga alagad ang iyang mga bato,+ Ug sila nagpakitag kaluoy sa iyang abog.+ 15  Ug ang mga nasod mahadlok sa ngalan ni Jehova,+ Ug ang tanang hari sa yuta sa imong himaya.+ 16  Kay pagatukoron gayod ni Jehova ang Zion;+ Siya magapakita diha sa iyang himaya.+ 17  Hatagan gayod niya ug pagtagad ang pag-ampo niadtong gihukasan sa tanang butang,+ Ug dili tamayon ang ilang pag-ampo.+ 18  Gisulat kini alang sa umaabot nga kaliwatan;+ Ug ang katawhan nga pagalalangon magadayeg kang Jah.+ 19  Kay siya nagsud-ong gikan sa iyang balaang dapit sa kahitas-an,+ Gikan sa kalangitan si Jehova nagsud-ong sa yuta,+ 20  Aron sa pagpatalinghog sa panghupaw sa binilanggo,+ Aron buhian kadtong natudlo sa kamatayon;+ 21  Kay ang ngalan ni Jehova igapahayag sa Zion+ Ug ang iyang pagdayeg sa Jerusalem,+ 22  Sa dihang ang mga katawhan matigom sa tingob,+ Ug ang mga gingharian aron sa pag-alagad kang Jehova.+ 23  Diha sa dalan iyang gipaluya ang akong kusog,+ Iyang gipamubo ang akong mga adlaw.+ 24  Ako miingon: “Oh Diyos ko, Ayaw ako kuhaa sa katunga sa akong mga adlaw;+ Ang imong katuigan maoy hangtod sa tanang kaliwatan.+ 25  Sa kanhi pa imong gipahimutang ang mga patukoranan sa yuta,+ Ug ang mga langit maoy buhat sa imong mga kamot.+ 26  Sila mangahanaw, apan ikaw magapabilin;+ Ug sama gayod sa usa ka besti silang tanan madunot.+ Sama gayod sa besti sila imong ilisdan, ug wala na silay silbi.+ 27  Apan ikaw mao sa gihapon, ug ang imong katuigan walay kataposan.+ 28  Ang mga anak sa imong mga alagad magpadayon sa pagpuyo;+ Ug sa imong atubangan ang ilang kaliwat lig-on nga matukod.”+

Mga Footnote