Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Salmo 10:1-18

ל [Laʹmedh] 10  Nganong nagatindog ka sa halayo, Oh Jehova?+ Nganong nagtago ka sa mga panahon sa kasakit?+   Tungod sa iyang pagkamapahitas-on ang daotan mainitong mogukod sa sinakit;+ Sila mabitik sa mga laraw nga ilang gimugna.+   Kay ang daotan nagdayeg sa iyang kaugalingon tungod sa hakog nga pangandoy sa iyang kalag,+ Ug ang hinobrang tigpanapi+ nagdayeg sa iyang kaugalingon;נ [Nun]Siya walay pagtahod kang Jehova.+   Sumala sa iyang pagkamapahitas-on ang daotan dili magausisa;+ Ang tanan niya nga hunahuna mao: “Walay Diyos.”+   Ang iyang mga dalan nagmauswagon sa tanang panahon.+ Ang imong hudisyal nga mga hukom hataas nga dili niya makab-ot;+ Kon bahin niadtong nagpakitag pagkamabatokon kaniya, siya mangusmo kanila.+   Siya nag-ingon sulod sa iyang kasingkasing: “Ako dili matarog;+ Sa sunodsunod nga mga kaliwatan dili ako mahimutang sa katalagman.”+ פ [Peʼ]   Ang iyang baba napuno sa mga panunglo ug sa mga panglimbong ug sa pagpanglupig.+ Ilalom sa iyang dila anaa ang kasamok ug kon unsay makadaot.+   Naglingkod siya sa banhiganan sa kabalangayan; Gikan sa tago nga mga dapit siya mopatay sa tawo nga inosente.+ ע [ʽAʹyin]Ang iyang mga mata magabantay batok sa tawo nga alaot.+   Magaatang siya sa tago nga dapit sama sa leyon diha sa iyang tagoanan.+ Magaatang siya+ aron pugson pagdala ang sinakit. Pugson niya pagdala ang sinakit sa dihang ilukob niya ang iyang pukot.+ 10  Siya nahugno, siya miyuko, Ug ang panon sa mga masulub-on nahulog gayod sa iyang kusgang mga kuko.+ 11  Siya nag-ingon sulod sa iyang kasingkasing:+ “Ang Diyos nakalimot na.+ Gitagoan niya ang iyang nawong.+ Dili gayod siya makakita niini.”+ ק [Qohph] 12  Tindog,+ Oh Jehova. Oh Diyos, bayawa ang imong kamot.+ Ayaw kalimti ang mga sinakit.+ 13  Nganong ang daotan walay pagtahod sa Diyos?+ Siya nag-ingon sulod sa iyang kasingkasing: “Dili ka makighusay.”+ ר [Rehsh] 14  Kay ikaw nakakita sa kalisdanan ug kagul-anan. Nagpadayon ka sa pagtan-aw, aron imo kining ibutang sa imong kamot.+ Kanimo modangop ang alaot,+ ang batang ilo-sa-amahan. Ikaw nahimong iyang magtatabang.+ ש [Shin] 15  Balia ang bukton sa tawong daotan ug dili-matarong.+ Mangita ka unta sa iyang pagkadaotan hangtod nga wala nay imong makaplagan.+ 16  Si Jehova maoy Hari hangtod sa panahong walay tino, bisan hangtod sa kahangtoran.+ Gikan sa iyang yuta nangahanaw ang mga nasod.+ ת [Taw] 17  Ikaw mamati gayod sa tinguha sa mga maaghop,+ Oh Jehova. Ikaw magaandam sa ilang kasingkasing.+ Ikaw magpatalinghog sa imong igdulungog,+ 18  Sa paghukom sa bata nga ilo-sa-amahan ug sa dinaogdaog,+ Aron ang yutan-ong tawo nga may-kamatayon dili na makapahinabo sa pagpangurog.+

Mga Footnote