Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Ruth 4:1-22

4  Kon bahin kang Boaz, siya miadto sa ganghaan+ ug milingkod didto. Ug, tan-awa! ang manlulukat nga gihisgotan ni Boaz milabay.+ Unya siya miingon: “Hapit una, lingkod diri, Pulano.” Busa mihapit siya ug milingkod.  Unya siya nagkuhag napulo ka tawo sa mga ansiyano+ sa siyudad ug miingon: “Lingkod kamo dinhi.” Busa milingkod sila.  Siya karon miingon sa manlulukat:+ “Ang luna sa yuta nga iya sa atong igsoon nga si Elimelek+ ibaligya ni Noemi, nga nahibalik na gikan sa yuta sa Moab.+  Kon bahin kanako, naghunahuna ako nga akong ibutyag kini kanimo, sa pag-ingon, ‘Palita kini+ sa atubangan sa mga molupyo ug sa mga ansiyano sa akong katawhan.+ Kon lukaton mo kini, lukata; apan kon dili mo kini lukaton, sultihi ako, aron akong masayran, kay walay laing makalukat niini gawas kanimo,+ ug ako ang sunod kanimo.’” Ug siya miingon: “Ako ang molukat niini.”+  Unya si Boaz miingon: “Sa adlaw nga imong paliton ang yuta gikan sa kamot ni Noemi, paliton mo usab kini gikan kang Ruth nga Moabihanon, ang asawa sa namatay, aron bangonon ang ngalan sa namatay ibabaw sa iyang panulondon.”+  Niini miingon ang manlulukat: “Dili nako kana malukat sa akong kaugalingon, kay basin madaot nako ang akong kaugalingong panulondon. Lukata kana alang sa imong kaugalingon pinaagi sa akong katungod sa paglukat, tungod kay dili ako makahimo sa paglukat niana.”  Karon mao kini ang kostumbre sa kanhing kapanahonan sa Israel mahitungod sa katungod sa paglukat ug mahitungod sa pagbayloay, aron sa paglig-on sa tanang matang sa butang: Huboon sa usa ka tawo ang iyang sandalyas+ ug ihatag sa iyang isigkaingon, ug mao kini ang pagpamatuod diha sa Israel.  Busa sa dihang ang manlulukat miingon kang Boaz: “Palita kana alang sa imong kaugalingon,” iyang gihubo ang iyang sandalyas.+  Unya si Boaz miingon sa mga ansiyano ug sa tibuok katawhan: “Mga saksi+ kamo niining adlawa nga akong paliton ang tanan nga iya ni Elimelek ug ang tanan nga iya ni Kilion ug ni Malon gikan sa kamot ni Noemi. 10  Ug usab si Ruth nga Moabihanon, ang asawa ni Malon, akong paliton alang sa akong kaugalingon ingong asawa aron ang ngalan sa tawong namatay+ pagabangonon ibabaw sa iyang panulondon ug aron ang ngalan sa tawong namatay dili mahanaw gikan sa taliwala sa iyang mga igsoon ug gikan sa ganghaan sa iyang dapit. Kamo mga saksi niining adlawa.”+ 11  Niini ang tibuok katawhan nga didto sa ganghaan ug ang mga ansiyano miingon: “Mga saksi kami! Hinaot nga itugot ni Jehova nga ang asawa nga mopuyo sa imong balay mahisama kang Raquel+ ug kang Lea,+ nga ang maong duruha nagtukod sa balay sa Israel;+ ug mahimo ka nga tinamod sa Eprata+ ug mahimong inila sa Betlehem.+ 12  Ug hinaot nga ang imong banay mahisama sa banay ni Perez, nga gipanganak ni Tamar kang Juda,+ sa kaliwat nga ihatag ni Jehova kanimo gikan niining batan-ong babaye.”+ 13  Busa gikuha ni Boaz si Ruth ug siya nahimong iyang asawa ug siya nakigdulog kaniya. Busa gitugot ni Jehova nga siya manamkon+ ug siya nanganak ug lalaki. 14  Ug ang kababayen-an miingon+ kang Noemi: “Dalayegon si Jehova,+ nga wala motugot nga mapakyas ang usa ka manlulukat alang kanimo niining adlawa; aron ikamantala ang iyang ngalan diha sa Israel. 15  Ug siya nahimong usa ka tigpasig-uli sa imong kalag ug usa nga magaamoma kanimo sa panahon sa imong pagkatigulang,+ tungod kay ang imong umagad nga babaye nga nahigugma kanimo,+ nga labi pang maayo kanimo kay sa pito ka anak nga lalaki,+ nanganak alang kaniya.” 16  Ug gikuha ni Noemi ang bata ug kini iyang gikugos, ug siya nahimong iwa niini. 17  Unya ginganlan kini sa silingang+ mga babaye, nga nag-ingon: “Natawo alang kang Noemi ang usa ka lalaki.” Ug ilang gitawag ang iyang ngalan nga Obed.+ Siya ang amahan ni Jese,+ ang amahan ni David. 18  Karon mao kini ang mga kaliwatan ni Perez:+ si Perez nanganak kang Hesron;+ 19  ug si Hesron nanganak kang Ram; ug si Ram+ nanganak kang Aminadab; 20  ug si Aminadab+ nanganak kang Nason;+ ug si Nason nanganak kang Salmon; 21  ug si Salmon+ nanganak kang Boaz; ug si Boaz+ nanganak kang Obed; 22  ug si Obed nanganak kang Jese;+ ug si Jese nanganak kang David.+

Mga Footnote