Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Roma 7:1-25

7  Mahimo kaha nga kamo wala mahibalo, mga igsoon, (kay ako nagasulti kanilang nakahibalo sa balaod,) nga ang Balaod maoy agalon sa tawo samtang siya buhi pa?+  Pananglitan, ang usa ka babayeng minyo nagapos sa balaod ngadto sa iyang bana samtang siya buhi pa; apan kon ang iyang bana mamatay na, siya mahigawas gikan sa balaod sa iyang bana.+  Busa, samtang buhi pa ang iyang bana, siya pagatawgong mananapaw kon siya maiya sa laing lalaki.+ Apan kon ang iyang bana mamatay na, siya mahigawas na gikan sa iyang balaod, mao nga siya dili usa ka mananapaw kon siya maiya sa laing lalaki.+  Sa ingon, akong mga igsoon, kamo usab gihimong patay nganha sa Balaod+ pinaagi sa lawas ni Kristo, aron kamo maiya sa lain,+ iya sa usa nga gibangon gikan sa mga patay,+ aron kita mamunga+ alang sa Diyos.  Kay sa dihang kita nahiuyon pa sa unod,+ ang makasasalang mga pangibog nga gipukaw pinaagi sa Balaod naglihok diha sa atong mga sangkap aron kita mamunga alang sa kamatayon.+  Apan karon kita gipagawas na gikan sa Balaod,+ tungod kay kita nangamatay+ na ngadto sa nangupot pag-ayo kanato, aron kita mahimong mga ulipon+ sa bag-ong diwa pinaagi sa espiritu,+ ug dili sa daan nga diwa pinaagi sa sinulat nga kalagdaan.+  Nan, unsay atong ikaingon? Sala ba ang Balaod?+ Dili gayod unta kana mahitabo! Sa pagkatinuod ako dili unta makailag sala+ kon dili pa tungod sa Balaod; ug, pananglitan, dili unta nako mailhan ang hakog nga pangibog+ kon ang Balaod wala pa mag-ingon: “Dili ka maibog nga hinakog.”+  Apan ang sala, nga giaghat pinaagi sa sugo,+ nagpatungha kanakog tanang matang sa hakog nga pangibog, kay bulag sa balaod ang sala patay.+  Sa pagkatinuod, ako kanhi buhi nga bulag sa balaod;+ apan sa dihang ang sugo miabot,+ ang sala nabuhi pag-usab, apan ako namatay.+ 10  Ug ang sugo nga alang sa kinabuhi,+ nakaplagan ko nga kini alang sa kamatayon.+ 11  Kay ang sala, nga giaghat pinaagi sa sugo, nagdaldal+ kanako ug nagpatay kanako pinaagi niini. 12  Busa, sa bahin niini, ang Balaod balaan,+ ug ang sugo balaan ug matarong+ ug maayo.+ 13  Nan, ang maayo ba nahimong kamatayon ngari kanako? Dili gayod unta kana mahitabo! Apan gihimo kini sa sala, aron ikapakita kini ingong sala nga nagpahinabog kamatayon alang kanako pinaagi sa maayo;+ aron ang sala mahimong labaw pa kaayong makasasala pinaagi sa sugo.+ 14  Kay kita nahibalo nga ang Balaod espirituwal;+ apan ako unodnon, gibaligya ilalom sa sala.+ 15  Kay ako wala makasabot sa akong ginabuhat. Kay ang buot nakong buhaton, wala nako buhata; apan ang akong gidumtan mao ang akong ginabuhat. 16  Hinunoa, kon ang dili nako buot buhaton mao ang akong ginabuhat,+ ako uyon nga ang Balaod maayo.+ 17  Apan karon ang usa nga nagbuhat niini dili na ako, kondili ang sala nga nagpuyo kanako.+ 18  Kay ako nahibalo nga kanako, nga mao, sa akong unod, walay nagpuyo nga bisan unsang maayo;+ kay ang katakos sa pagtinguha+ ania kanako, apan ang katakos sa pagbuhat+ ug maayo wala kanako. 19  Kay ang maayo nga buot nakong buhaton wala nako buhata,+ apan ang daotan nga dili nako buot buhaton mao ang akong ginabuhat. 20  Kon, karon, ang dili nako buot buhaton mao ang akong ginabuhat, ang usa nga nagabuhat niini dili na ako, kondili ang sala nga nagpuyo kanako.+ 21  Busa, nakita ko kini nga balaod sa akong kahimtang: nga sa dihang buot nakong buhaton ang maayo,+ ang daotan ania kanako.+ 22  Nahimuot+ gayod ako sa balaod sa Diyos sumala sa akong pagkatawo+ sa sulod, 23  apan nakita ko sa akong mga sangkap+ ang laing balaod nga nakigbugno+ batok sa balaod sa akong hunahuna+ ug nagbihag kanako ngadto sa balaod sa sala+ nga ania sa akong mga sangkap. 24  Alaot ako nga tawo! Kinsa ang magluwas kanako gikan sa lawas nga nahiagom niini nga kamatayon?+ 25  Salamat sa Diyos pinaagi kang Jesu-Kristo nga atong Ginoo!+ Busa, sa akong hunahuna ako usa ka ulipon ngadto sa balaod sa Diyos,+ apan sa akong unod ngadto sa balaod sa sala.+

Mga Footnote