Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Proverbio 7:1-27

7  Anak ko, bantayi ang akong mga pulong,+ ug tipigan mo unta ang akong mga sugo uban kanimo.+  Tumana ang akong mga sugo ug magpadayong buhi,+ ug ang akong balaod ingon sa tawotawo+ sa imong mga mata.  Ihikot kini sa imong mga tudlo,+ ug isulat kini sa papan sa imong kasingkasing.+  Ingna ang kaalam:+ “Ikaw mao ang akong igsoon nga babaye”; ug tawgon mo ang pagsabot nga “Paryente nga Babaye,”  aron sa pagbantay kanimo batok sa estranyo nga babaye,+ batok sa langyaw nga naghimo sa iyang mga pulong nga maulog-ulogon.+  Kay sa bentana sa akong balay, diha sa akong rehasrehas+ ako midungaw,  aron masud-ong ko ang mga walay kasinatian.+ Ako interesado nga mailhan taliwala sa mga anak ang usa ka batan-ong lalaki kansang kasingkasing nakulangan,+  nga miagi sa dalan duol sa iyang eskina, ug siya naglakaw padulong sa iyang balay,+  sa pagkakilumkilom, sa pagkahapon na,+ sa pag-abot sa kagabhion ug sa kangitngitan. 10  Ug, tan-awa! dihay usa ka babaye nga mitagbo kaniya, nga nagsul-ob sa besti sa usa ka pampam+ ug malinglahon sa kasingkasing. 11  Siya sabaan ug gahian.+ Ang iyang mga tiil dili mahimutang sa iyang balay.+ 12  Karon siya anaa sa gawas, unya siya atua sa mga plasa,+ ug duol sa matag eskina siya nagaatang.+ 13  Ug iyang gihawiran siya ug gihagkan siya.+ Siya nagpabaga sa iyang nawong, ug siya miingon kaniya: 14  “Ang mga halad-sa-panag-ambit maoy ania kanako.+ Niining adlawa gibayran ko ang akong mga panaad.+ 15  Mao nga migula ako aron sa pagtagbo kanimo, sa pagpangita sa imong nawong, aron hikaplagan ko ikaw. 16  Gihapinan ko ug mga kobrekama ang akong higdaanan, sa daghag-bulok nga mga butang, sa lino sa Ehipto.+ 17  Giwisikan ko ang akong higdaanan sa mira, mga aloe ug kaningag.+ 18  Umari ka, maghubog kita sa gugma hangtod sa kabuntagon; maglipay kita sa usag usa sa atong mga pahayag sa gugma.+ 19  Kay ang bana wala sa iyang balay; siya atua sa halayong panaw.+ 20  Siya nagdala ug usa ka puntil nga salapi. Siya moabot sa iyang balay sa motakdol na ang bulan.” 21  Siya nagpahisalaag kaniya pinaagi sa iyang daghang pangdani.+ Iyang ginahaylo siya pinaagi sa pag-ulog-ulog sa iyang mga ngabil.+ 22  Sa takulahaw lamang siya misunod kaniya,+ sama sa usa ka torong baka nga nagapadulong sa pagkaihaw, ug ingon sa may talikala sa pagdisiplina sa buang nga tawo, 23  hangtod nga ang usa ka pana molagbas sa iyang atay,+ ingon sa usa ka langgam nga nagadali ngadto sa bitik,+ ug wala siya mahibalo nga nalangkit niini ang iyang kalag.+ 24  Ug karon, Oh mga anak, patalinghog kanako ug hatagig pagtagad ang mga pulong sa akong baba.+ 25  Dili unta motipas ang imong kasingkasing ngadto sa iyang mga dalan. Ayaw pagpasalaag ngadto sa iyang mga alagianan.+ 26  Kay daghan ang iyang gipukan nga mga pinatay,+ ug ang tanan niyang gipamatay daghan.+ 27  Ang iyang balay maoy mga dalan paingon sa Sheol;+ sila nagalugsong ngadto sa sulod nga mga lawak sa kamatayon.+

Mga Footnote