Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Proverbio 4:1-27

4  Pamatia, Oh mga anak, ang disiplina sa amahan+ ug hatagi ninyog pagtagad, aron makahibalo kamo sa pagsabot.+  Kay ang maayong pagtudlo maoy akong igahatag kaninyo.+ Ayaw ninyo pagbiyai ang akong balaod.+  Kay ako nahimong tinuod nga anak sa akong amahan,+ mahuyang ug bugtong sa atubangan sa akong inahan.+  Ug siya nagtudlo kanako+ ug nag-ingon kanako: “Mangupot unta pag-ayo ang imong kasingkasing+ sa akong mga pulong.+ Tumana ang akong mga sugo ug magpadayon nga buhi.+  Batoni ang kaalam,+ batoni ang pagsabot.+ Ayaw kalimot, ug ayaw pagtipas gikan sa mga pulong sa akong baba.+  Ayaw kini pagbiyai, ug kini magabantay kanimo. Higugmaa kini, ug kini magapanalipod kanimo.  Ang kaalam mao ang pangunang butang.+ Batoni ang kaalam; ug uban sa tanan nga imong pagabatonan, batoni ang pagsabot.+  Pabilhi kini pag-ayo, ug kini magabayaw kanimo.+ Kini magahimaya kanimo tungod kay gigakos mo kini.+  Sa imong ulo kini magahatag ug madanihon nga purongpurong;+ usa ka matahom nga purongpurong ang igahatag niini kanimo.”+ 10  Pamati, anak ko, ug dawata ang akong mga pulong.+ Ug modaghan ang katuigan sa imong kinabuhi.+ 11  Ako magatudlo kanimo sa dalan sa kaalam;+ palakton ko ikaw sa mga alagianan sa katul-id.+ 12  Sa dihang ikaw molakaw, ang imong mga lakang dili pinugngan;+ ug kon ikaw modagan, dili ka mapandol.+ 13  Hawiri ang disiplina;+ ug ayaw kini buhii.+ Ampingi kini, kay kini maoy imong kinabuhi.+ 14  Ayaw pagsulod sa alagianan sa mga daotan,+ ug ayaw paglakaw ngadto sa dalan sa mga daotan.+ 15  Likayi kini,+ ug ayaw pag-agi niini; tipas gikan niini,+ ug padayon sa paglakaw.+ 16  Kay dili sila matulog gawas kon makabuhat sila ug daotan,+ ug ang ilang pagkatulog mahanaw gawas kon sila adunay mapandol.+ 17  Kay ilang gipakaon ang ilang kaugalingon sa tinapay sa kadaotan,+ ug ang bino sa mga buhat sa kapintasan mao ang ilang ginainom.+ 18  Apan ang dalan sa mga matarong ingon sa masanag nga kahayag nga nagaanam kadan-ag hangtod sa pagkahingpit sa adlaw.+ 19  Ang dalan sa mga daotan ingon sa kangiob;+ sila wala mahibalo kon unsa ang kanunayng nakapandol nila.+ 20  Anak ko, hatagig pagtagad ang akong mga pulong.+ Ikiling ang imong igdulungog sa akong mga pulong.+ 21  Dili unta sila mahilayo gikan sa imong mga mata.+ Tipigi sila sa kinataliwad-an sa imong kasingkasing.+ 22  Kay sila kinabuhi alang niadtong makakaplag kanila+ ug kahimsog alang sa ilang tibuok nga unod.+ 23  Labaw sa tanan nga pagabantayan, ampingi ang imong kasingkasing,+ kay niana nagagikan ang mga tuboran sa kinabuhi.+ 24  Kuhaa gikan kanimo ang balikong sinultihan;+ ug ipahilayo gikan kanimo ang mga ngabil nga malalangon.+ 25  Kon bahin sa imong mga mata, ideretso sila pagtan-aw sa unahan,+ oo, ang imong magilawong mga mata patutoka sa imong atubangan.+ 26  Pataga ang alagianan sa imong tiil,+ ug hinaot nga matukod nga lig-on ang tanan mong dalan.+ 27  Ayaw pagliso sa tuo o sa wala.+ Ipahilayo ang imong tiil gikan sa daotan.+

Mga Footnote