Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Proverbio 31:1-31

31  Ang mga pulong ni Lemuel nga hari, ang mabug-at nga mensahe+ nga gihatag kaniya sa iyang inahan ingon nga pagtul-id:+  Unsa ang akong ginaingon, Oh anak ko, ug unsa, Oh anak sa akong tiyan,+ ug unsa, Oh anak sa akong mga panaad?+  Ayaw ihatag ang imong kusog ngadto sa mga babaye,+ ni ang imong mga dalan nianang mosangpot sa pagkapapha sa mga hari.+  Dili alang sa mga hari, Oh Lemuel, dili alang sa mga hari ang pag-inom ug bino ni alang sa mga pangulo ang pag-ingon: “Hain ang makahubog nga ilimnon?”+  aron siya dili makainom ug mahikalimot sa gimando ug magatuis sa kawsa ni bisan kinsa sa mga anak nga ginasakit.+  Ihatag ninyo ang makahubog nga ilimnon ngadto sa usa nga hapit nang mamatay,+ ug ang bino ngadto niadtong mapait ug kalag.+  Paimna siya ug pakalimti ang iyang kakabos, ug ayaw na niya pahinumdomi ang iyang kalisod.  Bukha ang imong baba alang sa amang,+ dapig sa kawsa niadtong tanan nga mamatay na.+  Bukha ang imong baba, paghukom sa pagkamatarong ug labani ang kawsa sa sinakit ug kabos.+ א [ʼAʹleph] 10  Kinsay makakaplag ug asawa nga takos?+ Ang iyang bili labaw pa kaayo kay sa mga korales. ב [Behth] 11  Diha kaniya nagasalig ang kasingkasing sa iyang tag-iya, ug walay nakulang nga ganansiya.+ ג [Giʹmel] 12  Siya nagabalos kaniya sa maayo, ug dili sa daotan, sa tanang adlaw sa iyang kinabuhi.+ ד [Daʹleth] 13  Siya nagapangita ug balhibo sa karnero ug lino, ug siya nagabuhat kon unsay gikahimut-an sa iyang mga kamot.+ ה [Heʼ] 14  Siya sama sa mga barko sa usa ka magpapatigayon.+ Gikan sa halayo siya nagadala sa iyang pagkaon. ו [Waw] 15  Siya mobangon usab samtang gabii pa,+ ug nagahatag ug pagkaon sa iyang panimalay ug sa gikinahanglan nga bahin alang sa iyang batan-ong mga babaye.+ ז [Zaʹyin] 16  Siya naghunahuna ug usa ka uma ug nanag-iya niini;+ gikan sa bunga sa iyang mga kamot siya nagtanom ug usa ka parasan.+ ח [Chehth] 17  Gibaksan niya ang iyang hawak sa kusog, ug gipabaskog niya ang iyang mga bukton.+ ט [Tehth] 18  Namatikdan niya nga ang iyang patigayon maayo; ang iyang lampara dili mapalong sa gabii.+ י [Yohdh] 19  Ang iyang mga kamot ginakab-ot niya sa bilikan, ug ang iyang mga kamot mogunit sa kalinyasan.+ כ [Kaph] 20  Ang iyang kamot ginatuy-od niya ngadto sa sinakit, ug ang iyang mga kamot ginatunol niya ngadto sa kabos.+ ל [Laʹmedh] 21  Siya dili mahadlok sa niyebe alang sa iyang panimalay, kay ang tibuok niyang panimalay nagsul-ob ug dobleng mga besti.+ מ [Mem] 22  Siya naghimo ug mga kobrekama+ alang sa iyang kaugalingon. Ang iyang besti maoy binuhat sa lino ug sa balhibo sa karnero nga tininag morado.+ נ [Nun] 23  Ang iyang tag-iya+ inila diha sa mga ganghaan,+ sa diha nga siya molingkod uban sa mga ansiyano sa yuta. ס [Saʹmekh] 24  Siya naghimo ug pang-ilalom nga mga besti+ ug nagbaligya niini, ug siya naghatag ug mga bakos ngadto sa mga magpapatigayon. ע [ʽAʹyin] 25  Kusog ug kahalangdon mao ang iyang besti,+ ug siya mokatawa sa umaabot nga adlaw.+ פ [Peʼ] 26  Siya nagbuka sa iyang baba uban ang kaalam,+ ug ang balaod sa mahigugmaong-kalulot anaa sa iyang dila.+ צ [Tsa·dhehʹ] 27  Siya nagabantay sa mga panghitabo sa iyang panimalay, ug siya dili mokaon sa tinapay sa pagkatapolan.+ ק [Qohph] 28  Ang iyang mga anak mobangon ug magpahayag kaniya nga malipayon;+ ang iyang tag-iya mobangon, ug siya magdayeg kaniya.+ ר [Rehsh] 29  Adunay daghang anak nga babaye+ nga nagpakitag pagkatakos, apan ikaw—ikaw milabaw kanilang tanan.+ ש [Shin] 30  Ang pagkamadanihon mahimong malimbongon,+ ug ang kaanyag mahimong kawang;+ apan ang babaye nga nahadlok kang Jehova mao ang makabaton ug pagdayeg alang sa iyang kaugalingon.+ ת [Taw] 31  Hatagi ninyo siya sa bunga sa iyang mga kamot,+ ug padayega kaniya ang iyang mga buhat diha sa mga ganghaan.+

Mga Footnote