Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Proverbio 2:1-22

2  Anak ko, kon dawaton mo ang akong mga pulong+ ug tipigan mo ang akong mga sugo diha kanimo,+  aron sa paghatag ug pagtagad sa kaalam pinaagi sa imong igdulungog,+ aron ikiling mo ang imong kasingkasing sa katakos sa pag-ila;+  dugang pa, kon ikaw magasangpit sa pagsabot+ ug ikaw magapatugbaw sa imong tingog alang sa katakos sa pag-ila,+  kon ikaw magapadayon sa pagpangita niini ingon sa plata,+ ug ingon sa tinagong mga bahandi ikaw magapadayon sa pagpangita niini,+  nan imong masabtan ang pagkahadlok+ kang Jehova, ug imong makaplagan ang mismong kahibalo sa Diyos.+  Kay si Jehova magahatag ug kaalam;+ sa iyang baba nagagikan ang kahibalo ug ang katakos sa pag-ila.+  Ug siya magatipig ug praktikal nga kaalam+ alang sa mga matul-id; siya usa ka taming alang niadtong mga nagalakaw sa integridad,+  pinaagi sa pagbantay sa mga alagianan sa paghukom,+ ug iyang bantayan ang dalan sa iyang mga maunongon.+  Sa ingon ikaw makasabot sa pagkamatarong ug sa paghukom ug sa katul-id, ang kinatibuk-ang dalan kon unsay maayo.+ 10  Sa diha nga ang kaalam mosulod sa imong kasingkasing+ ug ang kahibalo mahimong kahimut-anan sa imong kalag,+ 11  ang katakos sa panghunahuna magabantay kanimo,+ ang katakos sa pag-ila magapanalipod kanimo,+ 12  aron sa pagluwas kanimo gikan sa daotang dalan,+ gikan sa tawo nga nagasulti ug hiwi nga mga butang,+ 13  gikan niadtong mga nagabiya sa mga alagianan sa katul-id aron sa paglakaw sa dalan sa kangitngit,+ 14  gikan niadtong mga nagamaya sa pagbuhat ug daotan,+ nga nagakalipay sa hiwing mga butang sa pagkadaotan;+ 15  niadtong kansang mga alagianan baliko ug hiwi sa ilang kinatibuk-ang dalan;+ 16  aron sa pagluwas kanimo gikan sa estranyong babaye, gikan sa langyaw nga babaye+ nga maulog-ulogon sa iyang mga pulong,+ 17  kinsa nagabiya sa suod nga higala sa iyang pagkabatan-on+ ug nahikalimot sa pakigsaad sa iyang Diyos.+ 18  Kay ang iyang balay maunlod ngadto sa kamatayon ug ang iyang mga alagianan ngadto sa mga walay gahom sa kamatayon.+ 19  Walay usa niadtong mga nakigdulog kaniya ang mahibalik, ni masubay nila pag-usab ang mga alagianan sa mga buhi.+ 20  Aron nga ikaw makalakaw sa dalan sa maayong mga tawo+ ug sa alagianan sa mga matarong ikaw makapabilin.+ 21  Kay ang mga matul-id mao ang magapuyo sa yuta,+ ug ang walay-ikasaway mao ang magpabilin diha niana.+ 22  Kon mahitungod sa mga daotan, sila pagaputlon gikan sa yuta;+ ug kon bahin sa mga maluibon, sila pagalukahon gikan niini.+

Mga Footnote