Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Proverbio 18:1-24

18  Ang nagalain sa iyang kaugalingon mangita sa iyang hakog nga tinguha;+ siya mobatok sa tanang praktikal nga kaalam.+  Ang hungog walay kahimuot sa katakos sa pag-ila,+ gawas nga ikapadayag lamang ang anaa sa iyang kasingkasing.+  Sa dihang moabot ang daotan, moabot usab ang pagtamay;+ ug uban sa pagkadaot sa dungog+ anaa ang kaulawan.  Ang mga pulong sa baba sa usa ka tawo maoy halawom nga katubigan.+ Ang tuboran sa kaalam maoy usa ka sapa nga nagasugwak.+  Ang pagpakitag pagpalabi ngadto sa daotan dili maayo,+ ni ang pagsalikway sa matarong diha sa paghukom.+  Ang mga ngabil sa hungog magadala kaniya ngadto sa pagpakig-away,+ ug ang iyang baba magapanawag sa mga hampak.+  Ang baba sa usa ka hungog maoy iyang kalaglagan,+ ug ang iyang mga ngabil maoy lit-ag sa iyang kalag.+  Ang mga pulong sa tigbutangbutang maoy ingon sa mga butang nga pagalamyon nga linaog,+ nga manaog ngadto sa kinasulorang mga bahin sa tiyan.+  Mao man usab, ang magtinaspokan sa iyang trabaho+—siya igsoon sa magpahinabog kadaot.+ 10  Ang ngalan ni Jehova usa ka malig-ong torre.+ Nganha niana ang matarong modagan ug mahatagan sa panalipod.+ 11  Ang bililhong mga butang sa dato mao ang iyang lig-on nga lungsod,+ ug sila maoy ingon sa salipod nga paril diha sa iyang hunahuna.+ 12  Sa dili pa ang pagkahagsa ang kasingkasing sa usa ka tawo mapahitas-on,+ ug sa dili pa ang himaya anaa ang pagpaubos.+ 13  Kon ang usa magahatag ug tubag sa usa ka butang nga wala pa niya madungog,+ kana maoy kabuangan sa iyang bahin ug usa ka kaulawan.+ 14  Ang espiritu sa usa ka tawo makaagwanta sa iyang balatian;+ apan kon bahin sa masulub-on nga espiritu, kinsa ang makaantos niana?+ 15  Ang kasingkasing sa may pagsabot magabaton ug kahibalo,+ ug ang igdulungog sa mga maalamon magatinguha sa pagkaplag ug kahibalo.+ 16  Ang gasa sa usa ka tawo magabukas ug dakong pultahan alang kaniya,+ ug tultolan siya niini bisan sa atubangan sa dagkong mga tawo.+ 17  Ang mauna sa iyang legal nga kaso maoy matarong;+ ang iyang isigkatawo moabot ug magausisa kaniya.+ 18  Ang ripa magpahunong sa mga panaglalis,+ ug kini magapabulag bisan sa mga gamhanan gikan sa usag usa.+ 19  Ang usa ka igsoon nga gihimoag kalapasan labi pang malisod nga dag-on kay sa usa ka malig-on nga lungsod;+ ug may mga panaglalis nga sama sa trangka sa usa ka puloy-anang torre.+ 20  Gikan sa mga bunga sa baba sa usa ka tawo pagabusgon ang iyang tiyan;+ siya pagabusgon sa mga abot sa iyang mga ngabil.+ 21  Kamatayon ug kinabuhi anaa sa gahom sa dila,+ ug siya nga mahigugma niana magakaon sa bunga niana.+ 22  Nakakaplag ba ang usa ug usa ka maayong asawa?+ Siya nakakaplag ug usa ka maayong butang,+ ug siya makabaton ug maayong kabubut-on gikan ni Jehova.+ 23  Ang kabos magapahayag ug mga pangaliyupo,+ apan ang dato maningka sa pagtubag.+ 24  Adunay mga higala nga mahiligon sa pagdaot sa usag usa,+ apan adunay higala nga mounong labaw pa kay sa usa ka igsoon.+

Mga Footnote