Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Proverbio 17:1-28

17  Mas maayo pa ang usa ka uga nga piraso sa tinapay nga adunay kalinaw+ kay sa usa ka balay nga puno sa mga halad uban sa panag-away.+  Ang usa ka alagad nga nagapakitag hait nga salabotan magamando sa anak nga nagabuhat nga makauulaw,+ ug taliwala sa mga igsoon makabaton siya ug usa ka bahin sa panulondon.+  Ang dalisayanan nga kulon maoy alang sa plata ug ang hudno alang sa bulawan,+ apan si Jehova mao ang tig-usisa sa mga kasingkasing.+  Ang mamumuhat ug daotan nagatagad sa madaotong ngabil.+ Ang usa ka bakakon nagapaminaw sa dila nga nagapahinabog mga kagul-anan.+  Siya nga nagayubit sa kabos nagatamay sa iyang Magbubuhat.+ Siya nga malipay sa katalagman sa uban dili mahigawas sa silot.+  Ang purongpurong sa mga tigulang mao ang mga apo,+ ug ang katahom sa mga anak mao ang ilang mga amahan.+  Ang ngabil sa katul-id dili angay sa walay salabotan.+ Unsa pa kaha ang ngabil sa kabakakan alang sa usa ka hamili!+  Ang gasa maoy usa ka bato nga makahatag ug pag-uyon sa mga mata sa dakong tag-iya niini.+ Bisan asa siya moliso siya magmalamposon.+  Ang nagatabon sa kalapasan nagapangita ug gugma,+ ug siya nga nagapunay ug sulti mahitungod sa usa ka butang nagapabulag niadtong suod sa usag usa.+ 10  Ang pagbadlong mas lawom ug dulot diha sa usa nga may pagsabot+ kay sa pagbunal sa usa ka gatos ka higayon sa usa ka hungog.+ 11  Pagsukol lamang ang kanunayng gipangita sa daotan,+ ug mabangis ang mensahero nga gisugo batok kaniya.+ 12  Ipatagbo sa usa ka tawo ang usa ka oso nga namatyan sa iyang mga anak+ inay ang usa ka hungog diha sa iyang kabuangan.+ 13  Si bisan kinsa nga nagabalos ug daotan sa maayo,+ ang daotan dili mopahilayo sa iyang balay.+ 14  Ang sinugdanan sa panaglalis maoy ingon sa usa nga nagapaagas sa tubig;+ busa sa dili pa moulbo ang away, biya na.+ 15  Ang nagapahayag nga matarong sa usa nga daotan+ ug ang nagapahayag nga daotan sa usa nga matarong+—silang duha maoy dulumtanan kang Jehova.+ 16  Nganong anaa sa kamot sa hungog ang bili sa pagbaton ug kaalam,+ sa dihang wala man siyay kasingkasing?+ 17  Ang tinuod nga higala mahigugma sa tanang panahon,+ ug maoy usa ka igsoon nga natawo alang sa panahon sa kasakit.+ 18  Ang usa kansang kasingkasing nakulangan makiglamano,+ nga mahimong bug-os nga garantiya sa atubangan sa iyang higala.+ 19  Ang mahigugma sa kalapasan mahigugma sa pakigbugno.+ Ang nagapataas sa iyang ganghaan nagapangita ug kagun-oban.+ 20  Siya nga baliko ug kasingkasing dili makakaplag ug maayo,+ ug siya nga may matuison nga dila mahulog sa katalagman.+ 21  Siya nga manganak sa usa ka hungog—kagul-anan kini alang kaniya;+ ug ang amahan sa usa ka bata nga walay buot dili malipay.+ 22  Ang kasingkasing nga malipayon maayo nga tambal,+ apan ang masulub-on nga espiritu makapauga sa kabukogan.+ 23  Ang daotan modawat ug hiphip gikan sa sabakan+ aron sa pagbaliko sa mga dalan sa paghukom.+ 24  Ang kaalam anaa sa atubangan sa nawong sa usa nga may pagsabot,+ apan ang mga mata sa hungog anaa sa kinatumyan sa yuta.+ 25  Ang anak nga hungog maoy kaguol sa iyang amahan+ ug kapaitan alang sa nanganak kaniya.+ 26  Dugang pa, ang pagpahamtang ug multa sa matarong dili maayo.+ Ang paghampak sa mga hamili maoy batok sa kon unsay matul-id.+ 27  Si bisan kinsa nga nagapugong sa iyang mga pulong may kahibalo,+ ug ang tawo nga may katakos sa pag-ila may mabugnaw nga espiritu.+ 28  Bisan ang usa ka buangbuang, kon magapakahilom, pagaisipon nga maalamon;+ si bisan kinsa nga nagatak-om sa iyang mga ngabil, ingon nga may pagsabot.

Mga Footnote