Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Proverbio 13:1-25

13  Ang usa ka anak maoy maalamon kon adunay disiplina sa amahan,+ apan ang mabiaybiayon maoy usa nga wala makadungog ug pagbadlong.+  Gikan sa bunga sa iyang baba ang usa ka tawo mokaon ug maayo,+ apan ang kalag niadtong mga nagmaluibon maoy kapintasan.+  Ang nagabantay sa iyang baba nagabantay sa iyang kalag.+ Ang nagawalis nga halapad sa iyang mga ngabil—siya makaangkon ug kadaotan.+  Ang tapolan nagatinguha, apan ang iyang kalag walay bisan unsa.+ Hinunoa, ang kalag sa mga kugihan patambokon.+  Ang pulong nga bakak mao ang ginadumtan sa matarong,+ apan ang mga daotan nagabuhat nga makauulaw ug nagdalag kaulawan sa ilang kaugalingon.+  Ang pagkamatarong nagapanalipod sa usa nga dili madaoton sa iyang dalan,+ apan ang pagkadaotan maoy nagapukan sa makasasala.+  Adunay nagpakaaron-ingnon nga dato apan siya wala gayoy bisan unsa;+ adunay nagpakaaron-ingnon nga kabos apan siya may daghang bililhong butang.  Ang lukat alang sa kalag sa usa ka tawo mao ang iyang bahandi,+ apan siya nga kabos wala makadungog ug pagbadlong.+  Ang kahayag sa mga matarong magamaya;+ apan ang lampara sa mga daotan—kini pagapalongon.+ 10  Tungod sa pagkamapangahason ang usa magpahinabo lamang ug panagbugno,+ apan kadtong nagkonsultahanay adunay kaalam.+ 11  Ang bililhong mga butang nga naani sa kakawangan magkadiyutay,+ apan ang nagatigom pinaagi sa kamot mao ang makapadaghan kanila.+ 12  Ang pagdahom nga nalangan makapasakit sa kasingkasing,+ apan ang butang nga gitinguha maoy usa ka kahoy sa kinabuhi sa dihang moabot kini.+ 13  Siya nga nagatamay sa pulong,+ gikan kaniya pagasakmiton ang pasalig sa utangan; apan ang nahadlok sa sugo mao ang pagagantihan.+ 14  Ang balaod sa maalamon maoy tuboran sa kinabuhi,+ aron ilikay ang usa gikan sa mga lit-ag sa kamatayon.+ 15  Ang hait nga salabotan mohatag ug kaluoy,+ apan gansangon ang dalan niadtong mga nagmaluibon.+ 16  Ang tagsatagsa ka maalamon molihok uban ang kahibalo,+ apan ang hungog magpakaylap sa iyang binuang.+ 17  Ang mensahero nga daotan mahulog ngadto sa kadaot,+ apan ang matinumanon nga sinugo maoy makaayo.+ 18  Ang wala magpakabana sa disiplina modangat sa kakabos ug kaulawan,+ apan ang manumbaling sa pagbadlong mao ang pagahimayaon.+ 19  Ang tinguha sa dihang makab-ot na makapahimuot sa kalag;+ apan dulumtanan alang sa mga hungog ang pagpahilayo gikan sa daotan.+ 20  Siya nga nagalakaw uban sa mga tawong maalamon mahimong maalamon,+ apan siya nga may pakiglabot sa mga hungog mahisugamak sa kadaot.+ 21  Ang mga makasasala mao ang ginagukod sa katalagman,+ apan ang mga matarong mao ang ginagantihan sa maayo.+ 22  Ang maayong tawo magbilin ug usa ka panulondon alang sa mga anak sa mga anak, ug ang bahandi sa makasasala gitipigan alang sa matarong.+ 23  Ang dinaro nga yuta sa mga tawong kabos nagapatunghag daghang pagkaon,+ apan adunay gianod tungod sa pagkawalay-hustisya.+ 24  Ang nagapugong sa iyang bunal nagadumot sa iyang anak,+ apan ang nahigugma kaniya nagapangita kaniya uban ang disiplina.+ 25  Ang matarong nagakaon hangtod mabusog ang iyang kalag,+ apan ang tiyan sa mga daotan walay sulod.+

Mga Footnote