Laktaw ngadto sa video

Laktaw ngadto sa secondary menu

Laktaw ngadto sa kaundan

Mga Saksi ni Jehova

Cebuano

Bibliya Online | BAG-ONG KALIBOTANG HUBAD SA BALAANG KASULATAN

Proverbio 10:1-32

10  Ang mga proverbio ni Solomon.+ Ang anak nga maalamon maoy usa nga makapalipay sa iyang amahan,+ ug ang anak nga hungog maoy kaguol sa iyang inahan.+  Ang mga bahandi sa daotan mawalay-kapuslanan,+ apan ang pagkamatarong maoy magaluwas gikan sa kamatayon.+  Dili itugot ni Jehova nga ang kalag sa matarong magutman,+ apan ang pangandoy sa mga daotan iyang ipahilayo.+  Ang nagatrabaho uban sa usa ka kamot nga taspokan mahimong kabos,+ apan ang kamot sa kugihan mao ang makapadato.+  Ang anak nga nagabuhat uban ang hait nga salabotan nagaani sa ting-init; ang anak nga nagabuhat nga makauulaw nahinanok sa ting-ani.+  Ang mga panalangin maoy alang sa ulo sa matarong,+ apan kon mahitungod sa baba sa mga daotan, kini nagatabon sa kapintasan.+  Ang handomanan sa matarong pagapanalanginan,+ apan ang ngalan sa mga daotan madunot.+  Ang maalamon sa kasingkasing modawat ug mga sugo,+ apan ang usa nga buangbuang sa iyang ngabil pagayatakan.+  Siya nga nagalakaw sa integridad magalakaw sa kasegurohan,+ apan siya nga nagapabaliko sa iyang mga dalan mahibaloan.+ 10  Ang usa nga nagapangidhat sa iyang mata nagahatag ug kasakit,+ ug ang usa nga buangbuang sa iyang ngabil pagayatakan.+ 11  Ang baba sa matarong maoy tuboran sa kinabuhi;+ apan kon mahitungod sa baba sa mga daotan, kini nagatabon sa kapintasan.+ 12  Ang pagdumot mao ang nagapapukaw sa mga panag-away,+ apan ang gugma nagatabon bisan sa tanang kalapasan.+ 13  Diha sa mga ngabil sa tawo nga adunay pagsabot makaplagan ang kaalam,+ apan ang bunal maoy alang sa likod sa usa kansang kasingkasing nakulangan.+ 14  Ang mga maalamon mao kadtong nagatipig ug kahibalo,+ apan ang baba sa buangbuang haduol sa kalaglagan.+ 15  Ang bililhon nga mga butang sa tawong dato mao ang iyang malig-on nga lungsod.+ Ang kalaglagan sa mga timawa mao ang ilang kakabos.+ 16  Ang kalihokan sa matarong mosangpot sa kinabuhi;+ ang abot sa daotan mosangpot sa sala.+ 17  Siya nga nagapangupot sa disiplina maoy dalan sa kinabuhi,+ apan siya nga nagasalikway sa pagbadlong nagapahisalaag.+ 18  Sa diha nga adunay nagatabon sa pagdumot, adunay mga ngabil sa kabakakan,+ ug kadtong nagadala ug daotang taho maoy hungog.+ 19  Sa daghang mga pulong tino nga adunay kalapasan,+ apan siya nga nagapugong sa iyang mga ngabil nagalihok nga maalamon.+ 20  Ang dila sa matarong maoy hamili nga plata;+ ang kasingkasing sa daotan gamay rag bili.+ 21  Ang mga ngabil sa matarong nagpadayon sa pagpasibsib sa daghan,+ apan tungod kay ang kasingkasing nakulangan ang mga buangbuang mamatay.+ 22  Ang panalangin ni Jehova—mao kana ang makapadato,+ ug dili niya kana dugangan ug kasakit.+ 23  Alang sa hungog ang pagbuhat sa malaw-ayng panggawi maoy sama sa dula,+ apan ang kaalam maoy alang sa tawo nga may katakos sa pag-ila.+ 24  Ang butang nga makalilisang sa daotan—mao kana ang modangat kaniya;+ apan ang tinguha sa mga matarong igahatag.+ 25  Ingon sa paglabay sa unos, sa ingon ang daotan mahanaw;+ apan ang matarong maoy usa ka patukoranan hangtod sa panahong walay tino.+ 26  Kon unsa ang suka alang sa ngipon ug ang aso alang sa mata, mao man usab ang tawong tapolan alang niadtong nagsugo kaniya.+ 27  Ang pagkahadlok kang Jehova makapadugang ug mga adlaw,+ apan ang mga tuig sa mga daotan pamub-on.+ 28  Ang pagdahom sa mga matarong maoy paglipay,+ apan ang paglaom sa mga daotan mahanaw.+ 29  Ang dalan ni Jehova maoy salipdanan alang sa walay-ikasaway,+ apan ang kalaglagan maoy alang sa mga mamumuhat sa butang nga makadaot.+ 30  Kon bahin sa matarong, siya dili matarog hangtod sa panahong walay tino;+ apan kon bahin sa mga daotan, sila dili magpadayon sa pagpuyo sa yuta.+ 31  Ang baba sa matarong—kini nagapamunga ug kaalam,+ apan ang hiwi nga dila pagaputlon.+ 32  Ang mga ngabil sa matarong—makahibalo kini sa maayong kabubut-on,+ apan ang baba sa mga daotan maoy kahiwian.+

Mga Footnote