Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Proverbio 1:1-33

1  Ang mga proverbio+ ni Solomon+ nga anak nga lalaki ni David,+ ang hari sa Israel,+  aron ang usa makahibalo sa kaalam+ ug sa disiplina,+ sa pag-ila sa mga pulong sa pagsabot,+  sa pagdawat sa disiplina+ nga magahatag ug hait nga salabotan,+ pagkamatarong+ ug katakos sa paghukom+ ug sa pagkatul-id,+  sa paghatag ug kaalam+ ngadto sa walay kasinatian, sa kahibalo+ ug katakos sa panghunahuna+ ngadto sa batan-ong lalaki.  Ang maalamong tawo magpatalinghog ug magadawat ug dugang nga pagtudlo,+ ug ang tawong masinaboton mao ang makabaton ug mahanasong pagtultol,+  sa pagsabot sa usa ka proverbio ug sa salabtonong pulong,+ sa mga pulong sa mga maalamong tawo+ ug sa ilang mga tigmo.+  Ang pagkahadlok kang Jehova mao ang sinugdanan sa kahibalo.+ Ang kaalam ug disiplina mao ang gitamay sa mga buangbuang.+  Anak ko, pamatia ang disiplina sa imong amahan,+ ug ayaw talikdi ang balaod sa imong inahan.+  Kay kini sila maoy matahom nga purongpurong sa imong ulo+ ug maanindot nga kulentas sa imong liog.+ 10  Anak ko, kon daldalon ka sa mga makasasala, ayaw pag-uyon.+ 11  Kon sila magaingon: “Uban kanamo. Mamanhig kita alang sa dugo.+ Mag-atang kita sa tago sa inosenteng mga tawo sa wala lamay hinungdan.+ 12  Lamyon nato sila nga buhi+ ingon sa Sheol,+ nga tibuok gayod, ingon niadtong nanganaog sa gahong.+ 13  Pangitaon nato ang tanang matang sa bililhong mga manggad.+ Pun-on nato sa mga inagaw ang atong mga balay.+ 14  Duyog kanamo. Angay nga may usa lamang ka puntil alang kanatong tanan”+ 15  anak ko, ayaw paglakat sa dalan uban kanila.+ Ilikay ang imong tiil gikan sa ilang alagianan.+ 16  Kay ang ilang mga tiil mao kadtong nagapanagan ngadto sa bug-os nga pagkadaotan,+ ug sila nagadali sa pag-ula ug dugo.+ 17  Kay walay kapuslanan nga iladlad ang pukot atubangan sa bisan unsang may mga pako.+ 18  Tungod niana sila nagabanhig alang sa dugo niini nila;+ sila nag-atang sa tago alang sa ilang mga kalag.+ 19  Mao man usab ang mga alagianan sa matag usa nga nagahimog dili-minatarong nga ganansiya.+ Kini nagakuha sa kalag sa mga tag-iya niini.+ 20  Ang matuod nga kaalam+ nagasinggit sa makusog diha sa dalan.+ Diha sa mga plasa kini nagapatugbaw sa iyang tingog.+ 21  Sa tumoy nga bahin sa masabang kadalanan kini nagasinggit.+ Sa mga agianan sa mga ganghaan sa siyudad kini nagasulti sa iyang mga pulong:+ 22  “Kamong mga walay kasinatian, hangtod kanus-a magapadayon kamo sa paghigugma sa kawalay-kasinatian,+ ug kamong mga mabiaybiayon, hangtod kanus-a magatinguha kamo alang sa inyong kaugalingon ug dayag nga pagbiaybiay,+ ug kamong mga hungog, hangtod kanus-a magapadayon kamo sa pagdumot sa kahibalo?+ 23  Balik kamo tungod sa akong pagbadlong.+ Unya pasugwakon ko ang akong espiritu nganha kaninyo;+ ipahibalo ko kaninyo ang akong mga pulong.+ 24  Kay mitawag ako apan nagpadayon kamo sa pagbalibad,+ gibayaw ko ang akong kamot apan walay usa nga nagtagad,+ 25  ug kamo padayong wala magpakabana sa tanan kong mga tambag,+ ug wala ninyo dawata ang akong pagbadlong,+ 26  ako usab, sa akong bahin, mokatawa sa panahon sa inyong katalagman,+ ako magyagayaga sa dihang moabot ang inyong gikalisangan,+ 27  sa dihang moabot ang inyong gikalisangan sama sa bagyo, ug ang inyong katalagman modangat dinhi sama sa unos,+ sa dihang ang kasakit ug ang malisod nga mga panahon modangat kaninyo.+ 28  Nianang panahona sila magapadayon sa pagtawag kanako, apan dili ako motubag;+ sila magapadayon sa pagpangita kanako, apan dili sila makakaplag kanako,+ 29  tungod kay ilang gidumtan ang kahibalo,+ ug wala nila pilia ang pagkahadlok kang Jehova.+ 30  Wala sila mopatuo sa akong tambag;+ wala nila tahora ang tanan kong pagbadlong.+ 31  Busa sila magakaon sa bunga sa ilang dalan,+ ug sila mabusog pag-ayo sa ilang mga laraw.+ 32  Kay ang pagkamasukihon+ sa mga walay kasinatian mao ang mopatay kanila,+ ug ang walay pagpakabana sa mga hungog mao ang molaglag kanila.+ 33  Kon bahin sa nagapatalinghog kanako, siya magapuyo sa kasegurohan+ ug dili matugaw sa kalisang sa katalagman.”+

Mga Footnote