Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa kaundan

Laktaw ngadto sa video

Mga Saksi ni Jehova

Cebuano

Bibliya Online

BAG-ONG KALIBOTANG HUBAD SA BALAANG KASULATAN

Oseas 9:1-17

9  “Ayaw pagmaya, Oh Israel.+ Ayaw paglipay sama sa mga katawhan.+ Kay pinaagi sa pagpakighilawas ikaw mibulag gikan sa imong Diyos.+ Ikaw nahigugma sa mga gasa nga suhol diha sa tanang giokanan sa lugas.+  Ang giokanan ug ang pug-anan sa bino dili magpakaon kanila,+ ug ang tam-is nga bino magpakyas kaniya.+  Sila dili magpadayon sa pagpuyo sa yuta ni Jehova,+ ug ang Epraim mobalik sa Ehipto,+ ug sa Asirya sila mokaon sa mahugaw.+  Sila dili magpadayon sa pagbubo ug bino alang kang Jehova.+ Ug ang ilang mga halad dili makapalipay kaniya;+ sila sama sa tinapay sa mga panahon sa pagbangotan+ alang kanila; ang tanan nga mokaon niini magahugaw sa ilang kaugalingon. Kay ang ilang tinapay alang man sa ilang kaugalingong kalag; dili kini mahiadto sa balay ni Jehova.+  Unsay inyong buhaton sa adlaw sa panagkatigom ug sa adlaw sa pista ni Jehova?+  Kay, tan-awa! sila mamahawa tungod sa pagpanglaglag.+ Ang Ehipto magatigom kanila;+ ang Mempis,+ sa iyang bahin, magalubong kanila. Kon bahin sa ilang tilinguhaong mga butang nga plata, ang dapawong mga tanom manag-iya niana;+ ang tunokong mga kahoykahoy maanaa sa ilang mga tolda.+  “Ang mga adlaw sa pagtagad moabot;+ ang mga adlaw sa pagbalos moabot.+ Kadtong sa Israel mahibalo niini.+ Ang manalagna mahimong buangbuang,+ ang tawo sa inspiradong pahayag mabuang tungod sa kadaghan sa imong kasaypanan,+ ingon man sa kadaghan sa kayugot.”  Ang tigbantay+ sa Epraim maoy uban sa akong Diyos.+ Kon mahitungod sa manalagna,+ adunay bitik sa tiglit-ag ug langgam diha sa tanan niyang mga dalan;+ adunay kayugot diha sa balay sa iyang Diyos.  Sila nagpasulabi sa pagpanggun-ob,+ ingon sa mga adlaw sa Gibea.+ Iyang hinumdoman ang ilang kasaypanan;+ iyang tagdon ang ilang mga sala. 10  “Akong nakaplagan ang Israel nga sama sa mga ubas sa kamingawan.+ Akong nakita ang inyong mga katigulangan nga sama sa sayong bunga sa kahoyng igos sa pagsugod sa pagpamunga niini.+ Nangadto sila kang Baal sa Peor,+ ug ilang gipahinungod ang ilang kaugalingon sa makauulaw nga butang,+ ug sila nahimong dulumtanan sama sa butang nga ilang gihigugma.+ 11  Kon mahitungod sa Epraim, ang ilang himaya molupad sa halayo+ sama sa naglupad nga linalang, mao nga walay pagpanganak, ug walay mabdos nga tiyan ug walay pagpanamkon.+ 12  Kay bisan tuod sila magaalima sa ilang mga anak, ipahinabo ko nga mamatyan usab sila sa mga anak aron mawala nay tawo;+ tungod kay—alaot usab sila sa diha nga ako motalikod kanila!+ 13  Ang Epraim, nga akong nakita nga sama sa Tiro nga gitanom sa sibsibanan,+ ang Epraim tinong magadala sa iyang mga anak ngadto sa usa nga nagapatay.”+ 14  Ihatag kanila, Oh Jehova, ang kinahanglan mong ihatag.+ Hatagi silag tagoangkan nga kanunayng makuhaan+ ug mga suso nga nanguyos. 15  “Ang tanan nilang pagkadaotan didto sa Gilgal,+ kay didto gidumtan ko sila.+ Tungod sa pagkadaotan sa ilang mga pagpakiglabot abogon ko sila gikan sa akong balay.+ Dili na ako magpadayon sa paghigugma kanila.+ Ang tanan nilang mga prinsipe nagmagahi.+ 16  Ang Epraim pagahampakon.+ Ang ilang gamot mouga.+ Dili na sila mamunga.+ Kon pananglit usab sila manganak, patyon ko ang tilinguhaong mga butang sa ilang tiyan.”+ 17  Isalikway sila sa akong Diyos,+ kay sila wala mamati kaniya,+ ug sila mahimong mga kagiw taliwala sa kanasoran.+

Mga Footnote